Dili
Partido Democratico (PD) hahu loke kampane ho Misa, hodi husu grasa no
bensaun Maromak nian, atu bele halao kampane ho diak. Misa iha distritus
13 no Dili halo iha Igreja Katedral, predie husi Pe. Tiago. Iha Humilia
Pe. Tiago haktuir katak, “PD ninia hanesan Jesus ninia Presiensa iha
Fariseu sira nia let”.
Hatutan Pe.Tiago, ”PD nudar representa jerasaun foun ne’ebe lori
esperansa, tamba PD mai husi Povu,fila ba povu tamba povu nia oan”. “PD
mak esperansa ba povu Timor atu sai nain ba rai, nain ba riku no soin.
Laos Timor oan sai fali lao rai iha ita nia rain rasik (idem)”.
Tenik tan Pe.Tiago, ”PD fiar ba ukun hodi baseia ba ninia planu no programa governasaun nian ba tinan liman (2012-2017)”.
Ohin PD hahu kampane loke ho misa iha Teritoriu Nasional tomak ho Misa,
Sekretariu Jeral ho quadros PD tomak misa iha Igreja Katedral Dili no
Presidente PD ho quadros Distritus Oecusse, Missa iha Oecusse.
Celebrasaun Misa sei halo iha Diocese 3 (Dili, Baucau no Maliana).
Evangelho ba ohin mak foti husi Jesus nia lia fuan katak: “Fó ba Cesar
buat ne’ebe Cesar nian no Fó ba Maromak buat ne’ebe Maromak nian”. Fó
ba PD buat ne’ebe PD nian nudar partidu hanesan instrument hodi servi ba
povu mak fó ba povu no Nasaun buat ne’ebe diak ba emar hotu!