Atual Sekretario Geral Partido CNRT
Naran Resistencia “RIBA TAFUI”
----------------------
Hakarek nain Edio Rai Mor
"Hosik Ba Rai Lulik Ida Né Maka Sei Julga"
Iha dada lia ne’e hau husu klarifikasaun kona ba Publikasaun husi media sosial FB Lorico Lian, Comite 12, iha loron 19 Julio 2016, hakerek husi Joao Choque, no mos publika iha Jornal Nasional Diario iha kolom Opiniaun, iha loron 20 fulan Julho 2016, iha lia fuan balun nebe mak hakerek depois de Nasaun ne hetan Krize Militar iha 2006, Partido CNRT mosu ho lider resistencia maximo Kay Rala Xanana Gusmao halo povo hakfodak tanba hafoin kongresso, Partido CNRT hili mos ema foin sae ida nebe ema barak ladun kunhese mak tur iha kargu Sekretario Geral Partido nian estória resistencia laiha.
Dionisio Babo ba dala uluk la sente konfortavel bainhira hau dada lia maibe depois hau (Edio Rai Mor) husu nia dala hira nia mos hatan. Primeiro nia HUSU DESKULPA, tanba nia hatene ema barak liu maka fo sira nia isin no ran ba ukun rasik aan no lakoi ema atu hatene. Segundu, nia lakoi responde ba akuzasaun iha media sociais liu-liu sira nebe nia rasik la kunhese.
Maibe hau fo hanoin katak ida ne laos atu defende aan no hakarak atu hatudu aan maibe atu klarifika ba publiku. No Dionisio Babo mos haten katak bele no iha buat KIIK-OAN BALUN DEIT nebe mak nia halo (la boot hanesan ema seluk nebe luta liu ba rai ida ne) ho hakarak afirma nia konsiensia ho pozisaun hanesan Timor Oan.
Ho respeito ba asswain hotu nebe luta ba rai ida ne nia ukun aan, nian dehan “hau nia involvimentu la siginifikadu kompara ho sira nia mate ho sira nia terus”. Tanba ne mak maun Xanana ho Kongressista sira fiar nia atu sai Sekretariu Geral partidu CNRT.
Dionisio mos haktuir katak ida ne simplesmente atu responde dúvida nudar Direito ba resposta no auto-defesa ba integridade ninian hanesan pessoa humana no mos hanesan pessoa jurídica Iha contexto legal, liu liu sobre saida maka nia involve no iha kunhesimentu konaba kontribuisaun ba processo luta ba ukun rasik aan.
Nia konsiente katak iha tempo resistensia, ema barak la kunhese malu no ema barak la hatene malu no ikus mai kuando mossu naksalak komessa hatudu liman ba malu. Mais se maka sei julga ita idak-idak nia kontribuisaun sei ENTREGA BA RAI-LULIK ida nebe ita hotu luta atu defende nia.
Tuir mai hau husu “Tebes ga Maun nia estoria iha involvimentu resistencia laiha hanesan ema balun koalia iha Media Sosial?
Dionisio Babo nia konsiensia konaba resistensia komesa bainhira eskola SMA Dili nudar foin sae ida nebe maka sai membro juventude iha Igreija Motael durante tinan 5 nia laran, servisu hamutuk ho irmao sira no madre saudosa Erminia Cazzaniga nebe mate iha lautem iha 1999 hosi Milisia pro Indonesia. Iha mos jovem lobuk ida nebe sira hamutuk altura neba bainhira hasoru no diskute bebeik sobre assunto resistensia nian.
Hafoin, nudar estudante iha Bali 1986-1991, Dionisio partisipa bebeik iha aktividades informais resistencia nian ho estudantes nasionalistas balun, hanesan reuniaun ho diskusaun sobre kestoens sobre resistensia.
1989, Hamutuk ho estudantes seluk assina petisaun PRIMEIRO hodi haruka ba Nasoens Unida konaba self-determination no apoia karta Dom Carlos Filipe Ximenes Belo nian ba Secretário Geral ONU iha altura neba ho kopias ba Comando da Luta (#factos comprovativos colega seluk nebe assina no conhece mak hanesan Saudoso Fernando Lasama de Araújo, Aniceto Guterres, Carlos Saky ho seluk tan nebe sei moris. Copia hosi documento ne bele hetan iha Museu da Resistência. Bele mos mai foti iha hau).
1986 – 1991 Dionisio Babo mos halo aktividade seluk bainhira iha Bali hanesan assina surat seluk balun hodi fo konstribuisaun ba maluk sira iha luta (#factos comprovativos colega lobuk ida sei moris hanesan Alexandre Corte Real, Jose Cirilo Cristovâo, ho seluk tan);
Iha 1988 - Partisipa ho colega Timor oan lobuk-ida iha primeira intervista ho Antonio Macaco, Português ida ne’ebe ba Bali iha fins de 1980, hanesan “acrobático” hodi ikus mai hasai iha Televizaun Portugal, no mos publika abertamente iha Beletim TAPOL altura nebá, advoga Independencia Timor-Leste nian. Intervista né rasik halao iha kost (uma-fatin) nebé Dionísio hela ba Pulau Seribu No 17, Sanglah Denpasar (#factos comprovativos colega lobuk ida sei moris hanesan Alexandre Corte Real, Alcino baris, Saudoso Miguel Martins, ho seluk tan);
1989 – Hamutuk ho colega lobuk ida estabelece (harii) no afilia formalmente ba organizasaun Liga dos Estudantes Patriotas de Timor-Leste (LEP), organizasaun Clandestina Estudantes nian iha Bali-Indonesia, tuir orientasaun komando da luta, Kay Rala Xanana Gusmão, ho naran Clandestina RIBA TAFUI. (#factos comprovativos colega lobuk ida nebe sei moris hanesan Helder Neves, Boaventura, Alcino Baris, Carlos Florindo, Alexandre Corte Real, Jose Cirilo Cristovâo, ho seluk tan)
1991 Novembro : - Partisipa iha marcha ba funeral no ajuda sai interpreter ba jornalista estrangeiro (se la salah hosi Far Eastern Economic Review), iha funeral Saudozo Sebastião da Costa nia mate-isin ba hakoi iha cemitério St Cruz, semana rua antes de Massacre 12 de Novembro 1991. (#factos comprovativos: momento ne Amo Bispo Belo mak preside funeral no iha funeral rai nakaras ona ema hotu hakilar slogan Ukun Rasik Aan nian).
1993 – Hamutuk ho Cirilo José Cristovão komessa halo ligasaun ho Duarte Nunes, saudoso Pedro Nunes (Kery Laran Sabalae) nia maun rasik hodi komessa diskute no estabelese relasaun LEP-Bali ho Frente Klandestina iha Dili. (#Facto Comprovativo, Duarte Nunes ho Cirilo Jose Cristovão).
1992 – 1994 : komessa estudos iha Massey University, Palmerston, NZ, halo ligasaun ho estudantes iha neba, organiza demonstrasaun hamutuk ho estudante malae-oan sira kontra Indonesia iha Wellington no iha Massey University. Momento neba activista principal Timor-Leste nian ema Nova Zelandês naran Collin Iles (nudar Lower Moutere Beekeeper). Representante CNRM/CNRT iha Sydney/ Melbourne altura neba Abel Guterres, mos vizita Palmerston North hodi halo reuniaun iha kolega sira iha neba no hela iha colega ida naran Justin (ema NZ) nia uma no hasoru malu mos ho Dionisio Babo hodi koalia sobre atividade resistência nian. (#factos comprovativos colega Justin ho Abel Guterres oras ne sei moris).
Dionisio Babo hamutuk ho colega sira altura neba mos komessa halo ligasaun ho membros rezistência (Agio Perreira, Inez Almeida, Cêu Pires) iha Sydney, Australia hodi organiza aktividade resistencia nian;
1995 – 1998, hanesan membro corpo dosente iha UNTIM hamtuk ho Armindo Maia, Aureleio Guterres ho sira seluk:
• Halo kontakto ho diplomata/ Jornalista Estrangeiro hodi informa konaba dezenvolvimento politiku rai-laran inklui fo informasaun ba jornalistas estrangeiro, uza fasilidade (telf) UNTIM nian (#factos comprovativos colega lobuk ida sei moris hanesan Armindo Maia ho seluk tan);
• Ajuda organiza no partisipa iha demonstrasoens publikas hasoru Indonesia nebé involve estudantes UNTIM ho sira seluk iha eis-DPR kaikoli ho Palacio Governo nia oin banhira demonstra apoia Dom Carlos Filipe Belo nebe ema tuda ho manutolun iha Indonesia. (#factos comprovativos colega lobuk ida sei moris hanesan Armindo Maia ho seluk tan nebe sei moris).
• Konseitor/ Hakerek deklarasoens hodi ba deklara iha demonstrasoens nebé halao iha fatin hanesan temi iha leten. (#factos comprovativos Armindo Maia ho maluk seluk tan).
• Hakerek opini/ Artigo barak iha jornais (STL) hodi dezafia politika colonial Indonesia nian.
• Nudar mos docente ida nebe mos Organiza “mimbar-kampus” iha UNTIM hodi fo espasso ba estudantes sira hodi expressa sira nai deskontentimentu konaba hahalok military no polisia Indonesia nian.
• Hetan xamada atensaun no inkeritu dala rua (a) hosi komandante TNI Mahidin Simbolon no (b) Vice Governador altura nebá Johanes Hari Wibowo, tanba deskonfia apoia no kordena aktividades iha UNTIM. (#factos comprovativos ho seluk tan)
1995 – Komessa hanorin iha Universitas Timor Timur no halo parte grupo musica LEMORAI nebe estabelecido hosi Vitorino, Amandio Araújo, Jose António ho seluk tan, nebé hari ho intensaun atu halo musicas Timorenses nebe bele kontribui ba resistência nian. Dionísio Babo mos halo musica lobuk ida inklui DAME FOLIN LAEK (Hau Hakarak Kaer ba Fitun).
1995 – Momento neba hanorin iha FISIPOL UNTIM no komessa halo ligasaun hamutuk ho cordenador/ estafeta Adolfo Canígio Xamahau ho Bernadino (pretense ba kaixa “Lorico Buka Aifunan Lerek” Grupo Sagrada Família (GSF), liderado hosi komandante Eli Fohorai Boot [L-7]) no inteiradu completamente nudar membro resistência. Iha tempo Ukun Aan, hetan rekonhecimentu hosi fundador GSF comandante Cornélio Gama alias L7. (#factos comprovativos, Fita mean ho Certificado, no mos hosi colega Adolfo Canígio, Marcos Xavier ho seluk tan).
1995 – iha UNTIM hamutuk ho Armindo Maia komunika ho ema iha liur ho di hato informasaun resistensia nian, mos kontaktu sekretamente ho diplomatas estrangeirus sira nebe mai Timor hodi buka informasaun. (#facto comprovativo, iha enkontro ida iha Hotel Turismo intel Indonesia konsegue grava conversa ho diplomatas Ekuador ho Espanhol ida no hetan ameasa. Bele konsulta ho DR. Armindo Maia)
1998 – 1999: bainhira nudar estudante iha ANU – Australia, paritisipa iha assaoens lobuk ida resistensia nian (demonstrasaun iha Parlamento Nasional Australia ho iha Indonesia nia Embaxada) iha Canberra ho Sydney. (#factos comprovativos fotografias iha completo).
1998 – Indigita hosi representante CNRT Australia, antes de Timor-Leste sai Independente, partisipa iha Encontro Algarve Portugal iha fulan Outubro 1998 – hodi diskuti konaba preparasaun ba encontro All-Inclusive Intra East Timorese Dialogue (AIETD) no mos luta ba Independensia Hamutuk ho lider resistência nian barak nebe hela iha estrangeiro inkluindu Mari Alkatiri, Jose Luis Guterres, Ramos-Horta, Estanislau da Silva ho seluk tan. (#factos comprovativos, Agio Perreira, Estanislau da Silva, Zacarias Albano da Costa no sei iha fotografias iha completo).
1999 – Indigita hosi representante CNRT Australia hodi partisipa iha Konferencia ba Dezenvolvimento iha Melbourne, Australia iha Abril 1999 nudar moderador no “nara-sumber” ba seksaun Legal. Altura ne koinside ho Massacre Liquisa. Maluk Timor oan barak mos ba hosi Timor, Portugal ho rai seluk. (#factos comprovativos bele konsulta mos ho Agio Perreira, Inês Almeida, Jose Teixeira, Aniceto Guterres ho seluk tan nebe mos partisipa hotu).
1999 – Antes referendo, organiza no partisipa iha enkontro rekonsiliasaun iha Universidade Nacional Australia (ANU) Canberra, hamutuk ho lider resistensia nian hanesan José da Costa (Ma’Hudo) ho sira seluk. (#factos comprovativos Prof James Fox, Jose Luis Guterres, Francisco Borulaco no Timor oan lobuk ida nebe partisipa).
1999 – Hamutuk ho estudantes Timor oan lobuk ida ba vota iha referendum iha Liverpool, Sydney. Iha altura neba Dr José Ramos Horta, Dr Rúi Maria de Araújo (nudar estudante iha NZ), Dr Joâo Martins (nudar estudante ih NZ) ho Timor oan seluk iha Sydney mos partisipa hia votasaun iha área ne.
1999 – Bainhira mossu problema namanas iha 1999, Dionisio Babo hamutuk ho Agio Perreira ho saudoso Joâo Carrascalão akomanha Dr José Ramos-Horta ba hasoru MNE Australiano Alexander Downer hodi koalia sobre intervensaun Tropas Australiana iha Timor (#Factos Comprovativos bele hare husu Agio Perreira no bele hare filme documentario “the Diplomat’, Director: Tom Zubrycki Producers: Sally Browning, Wilson da Silva Writer: Tom Zubrycki).
1999/2000 – indigitado atu partisipa iha Konferensia Tibar konaba Dezenvolvimento iha âmbito CNRT (Conselho Nacional da Resistência Timorense) nia mahon no hetan fiar hola parte legal. (#factos comprovativos, Emilia Pires, Agio Perreira, Helder da Costa ho seluk tan)
2000 – Indigitado atu partisipa nudar kuadro tekniku no tradutor ba primeiro Kongressu Conselho Nacional da Resistência Timorense iha rai-laran iha Dili, iha salaun GMT. (#factos comprovativos fotografias iha complete, ho colegas balun nebe mos partisipa iha altura neba).
Dada lia ne naruk tebes, halo hau rasik mos hatene katak dala ruma ita la-konhese malu bainhira iha resistensia tanba natureza resistensia maka mobiliza Timor oan tomak iha area hotu-hotu no susar atu kunhese malu. Liu-liu tanba altura neba, militar Indonesia ho intel sira mos lafo dalan atu Timor oan sira bok’an. Maibe informasaun ida ne ho factos comprovativos hotu sai hanesan fonte atu ita kunhese malu liu tan antes halo akuzasaun ba ema seluk. Timor oan hotu, atu KIIK OINSA mos, nia kontribuisaun ba rai doben ida ne ita tenki valoriza. Hanesan comandante Kayrala Xanana Gusmao hatete “atu fo sigurau rohan ida deit mos tenki sura hanesan paritisipasaun iha luta ba independensia”. Obrigado bele fo tempu dada lia ho hau hodi fo klarifikasaun ida atu pubiliku bele hatene.
Hakerek nain: Edio Rai Mor
Fontes: pagina Official FB-DIonisio Babo Soares.
https://web.facebook.com/DionisioBaboSoares/posts/1073657999378257