Presidente Partidu Fretilin Francisco Guterres, Sekretaris Jeral Mari Alkatiri akompana husi Fidelis M. Bainhira hasoru malu ho Presidente RDTL Taur Matan Ruak. Foto Rico
inklui Distritu balu ne’ebé rezulta joven ida mate no ema balu kanek,
inklui membru PNTL, Presidente Repúblika, Taur Matan Ruak konvida lideransa
husi partidu haat (4) CNRT,Fretilín, PD no Frente Mudansa hodi ko’alia
kona ba pás no estabilidade iha rai laran.
Iha Loron 16 Jullu 2012. Movimentu iha Pallasu Presidente Ai-Tarak Laran
la hanesan bain-bain. Tanba, durante oras tolu nia laran karreta
lideransa partidu 4 nian tama troka malu iha fatin ne’ebá.
Enkontru Presidente Repúblika ho lideransa partidu 4 ne’e hala’o
iha oras ne’ebé diferente.
Iha tuku rua lokraik Presidente Taur Matan Ruak hasoru malu uluk ho
Presidente Partidu CNRT atuál Primeiru Ministru, Kay Rala Xanana Gusmão.
Hafoin ne’e, liu tiha minutu balu Taur Matan Ruak hasoru malu fali
ho Presidente Partidu Fretilín, Francisco Guterres “Lu-Olo”
no Sekretaria Jerál Mari Alkatiri.
La’ós de’it ida ne’e, Presidente Taur Matan Ruak mós konvida lideransa
Partidu PD no Frente Mudansa hodi ko’alia kona ba situasaun ne’ebé
akontese iha rai laran. Hafoin hasoru malu ho Presidente Repúblika,
Kay Rala Xanana Gusmão haktuirba jornalista katak, fó hanoin ba
militante sira atu evita violénsia.
Nune’e mós, Presidente Partidu Fretilín Francisco Guterres Lu-Olo hateten,
Presidente Repúblika mak konvida sira. Tanba, Presidente rasik preokupa ho
situasaun ne’ebé agora daudauk akontese iha rai laran.
“objetivu hasoru malu ne’e oinsá ami hotu bele halo buat ruma hodi hakalma situasaun,
inklui Presidente da Repúblika rasik.” dehan Lu-Olo
Eis Presidente Parlamentu haktuir, dezde uluk kedas Fretilín sempre hakalma nafatin
situasaun, soke iha konferénsia CNRT nian, kuadrus no responsavel balu ninia linguajen
mak provoka tiha situasaun. Maibé, Fretilín hakarak atu garantia pás no estabilidade.
Tuir Lu-Olo, Fretilín kumprimitivu nafatin no buka oinsá atu bele kontribui hodi
garantia pás no estabilidade iha rai laran. Aleinde ko’alia kona ba situasaun rai
laran, lideransa partidu Fretilín kestiona mós kona ba atuasaun PNTL nian.
“asuntu ida ne’e ami hato’o ona ba Presidente da Repúblika katak, Polisia labele uza
violénsia hasoru sidadaun. Tanbasá,? uza fali kilat ho bala reál tiru mate
fali ema.” Lu-Olo kestiona
Lu-Olo konsidera katak, kestaun ne’e sériu tebes, Presidente rasik hatene no
agora komandante PNTL Longinhos Monteiro mós hatene ona katak ninia soldadu
mak tiru mate ema.
“sei uza meius legais estadu nian utrapasu liu kapasidade
polisia nian hodi hala’o atuasaun, hanoin katak kazu ne’ebé
mosu daudaun ne’e violénsia Ne’e duni, tuir Lei Polisia tenke
responsabiliza kona ba ida ne’e.”(ts)