Sekretáriu Jerál (SEKJER)
Partidu FRETILIN, Dr. Marí Alkatiri partisipa konferénsia Partidu
Polítiku Azia kona-ba Via Marítima (Silk Road) iha Beijing, Xina,
durante loron tolu (14-16 Outubru 2015).
Tuir informasaun ne’ebé Matadalan asesu
hosi jornalista Rádiu Maubere iha Segunda (19/10/15) katak prezensa
líder FRETILIN Dr. Marí Alkatiri iha konferénsia ne’e sai prajer boot ba
Partidu Komunista Xina tanba durante tinan rua ona lide Partidu
Komunista Xina hein Dr. Marí nia presensa iha Xina.
Iha konferénsia internasionál Silk Road
ne´ebe maka partisipa hosi nasaun 15 hosi kontinenti tolu hanesan Azia,
Amérika Latina no Afrika ne’e, Dr. Marí Alkatiri aprezenta nia diskursu
kona-ba kontaktu entre ema ho ema (people to people contact).
“Nasaun ki’ik presiza halo kooperasaun
di’ak ho nasaun boot sira liu-hosi diferenti kultura no fiar. Ba susesu
foun Via Marítima ou Silk Road ita hotu iha kada nasaun tenki serbisu
hamutuk no respeitu malu. Ita tenki rezolve ita nia problema ho ulun
malirin. Meius ida ne’e maka dalan di’ak atu lori ita ba justisa sosiál
no prospriedade,” Marí dehan liu-hosi nia diskursu.
Líder no reprezentante partidu polítiku
hosi nasaun 15 ne’ebé maka partisipa iha deliberasaun deskursu ne’e
apresia no orgullu ba deskursu ne’ebé maka hato’o hosi Dr. Marí
Alkatiri, kona ba kontaktu entre ema ho ema Via Marítima ou silk Road.
Tan ne’e, líder partidu polítiku hirak ne’e husu kedas kópia deskursu
ne’ebé maka hato’o hosi Dr. Marí Alkatiri. (*)
Matadalan