DILI
- Ministru Defeza Cirilo Cristovao propoin ba Governu, atu fo postu onorofiku
ba Jeneral Lere Anan Timur, wainhira Prezidente Republika la kohi halo
rekondusaun ou estende sigundu mandatu ba Jeneral.
Tuir
Porposta neebe Ministru Defeza hatoo ba governu katak presiza fo postu
onorofiku ka hasae deviza Lere Anan Timur ba Tanenti Jeneral ho fitun 3 no pasa
ba reforma wainhira Prezidente Republika la asaeita nia kontinua.
Promosaun
ba aktual Xefi Estadu Maior Jeneral FFDTL Maijor Jeneral Lere ba Postu
Onorofiku, wainhira pasa ba reforma,” dehan Proposta Ministru Defeza ba
Primeriu Ministru liu husi karta neebe STL asesu, Segunda (25/04/2016).
Tuir
proposta nee, governu propoin pakote rua ida maka Maior Jeneral Lere Anan
Timur, Tito da Costa Cristovao no Filomeno Paixao de Jesus no Koronel Falur
Rate Laek neebe nia mandatu hotu ona iha 15 de Outubru 2015.
Segundu
pakote maka Kapitaun Marina Funu Donaciano R. C. Gomes (Pedro Klamar Fuik) ba
diviza Brigadeiru Jeneral F-FDTL e tuir kedas sei muda ba Maior Jeneral no
nomeia nia mos hanesan Xefi Estadu Maior Jeneral F-FDTL tuir artigu 70 konjuga
ho numeru 1 ho artigu 53 lei estatuta militar F-FDTL. No promove mos Calistro
dos Santos (Coliaty) ba Brigadiru Jeneral tuir lei estatutu militar FFDTL nian.
Proposta
governu mos husu ba Prezidenti atu haruka reforma hotu membru F-FDTL neebe nia
idade liu ona tinan 60, konforme lei estatutu FFDTL nia. Informasaun kompletu
iha STL Jornal no STL Web, edisaun Tersa (26/4/2016). Joao Anibal
Suara Timor Lorosae