DILI
- Povu sai vitima ba frekeza governu nian neebe administra rai estadu
tamba laiha difinisaun ba rai estadu, tan nee povu hari uma ikus mai governu fo
indimizasaun maibe la tuir povu nia hakarak nunee povu kontinua sai vitima.
Tuir
deputadu Bankada CNRT Manuel Guterres hatete komunidade sira neebe mak okupa
rai estadu halo uma ho folin rihun 21 liu mos iha, tan nee governu fo
indimizasaun rihun 2 nee konsidera povu sai vitima nafatin.
Ita
hakarak ejekuta lei, hare ita nia povu sai vitima, ita bele koalia governu nia
servisu kontra no administra rai estadu laiha liu to ema hari uma mak foin ba
notifika hodi fo despeza administrasaun nee lalos,” dehan Manuel liu husi
sesaun plenaria Segunda (18/04/2016) iha PN.
Nia
husu governu atu halo despezu administrativu ba povu tenki hari uluk ekipa
investigasaun hodi halo istimasaun ba povu nia uma atu nune governu fo
indimizasaun tuir uma nia folin, maibe la kria ekipa mak povu kontinua sai
vitima.
Iha
fatin hanesan Deputadu Arao Noe hatete too oras nee seidauk simu proposta lei
rai nian no lei rai neebe mak uluk konsege iha maibe kaduka, tamba
mandatu remata tan nee sestu governu konstitusional presiza aprezenta proposta
lei foun.
Nune
mos Deputadu Bankada Fretilin Osorio Florindo kestiona orsamentu neebe governu
gasta hodi indimiza povu neebe mak sai afeita ba prosesu konstruksaun Aeroporto
Suai. Informasaun kompletu iha STL jornal no STL Web, edisaun Tersa
(19/4/2016). Timotio Gusmao
Suara Timor Lorosae