DILI-Delegasaun husi
nasaun Komunidade Paises Lian Portugues (CPLP), halao vizita ba iha
Sekretariadu Tekniku Pos-CAVR (Komisaun Akoillamentu Verdade no
Rekonsiliasaun) atu hatene fatin istoriku CAVR.
Tuir Diretur Ezekutivu STP-CAVR, Aventino
de J. B. Ximenes hatete, delegasaun husi nasaun CPLP hanesan Angola,
Mocambique no portugal mai halo vizita iha fatin istoriku hanesan CAVR
no muzeum rezistensia.
Objetivu husi vizita sira mai haree hodi hatene lolos katak sofrementu pasadu timor oan sira ninia. Ohin sira tama mai esplika ba sira katak papel importante husi paises lubuk ida mak suporta ba sira nia komunidade internasional no suporta ba Timor Leste nia independensia,” dehan Aventino ba jornalista iha edifisiu POS-CAVR, Balide-Dili, Kinta (17/11/2016).
Aventino haktuir, sira tama mos iha sala
dokumentasaun ba direitus violasaun baziku, ohin sira haree iha neeba
masakre neebe mak akontese iha rai laran, ema barak mate ho buat neebe
mak sai evidensia ba servisu komisaun ninia. Ikus liu vizita ba iha
fatin sela nakukun.
Iha fatin hanesan, Diretor Gabinete
Juridiku Inspesaun Jeral Estadu Angola, Luvinda Jeronimo dehan, sira
sente satisfeitu tebes-tebes hodi halo vizita iha fatin CAVR nudar
nasaun amiga ida iha nasaun CPLP. Informasaun kompletu iha STL Jornal no
STL Web, edisaun Sabado (19/11/2016). Raimundo S. Fraga