Deskonfia Emilia Pires Halai Ba Rai Liur, Tribunal Tenke Responsabiliza Ba Publiku

DILI – Prezidente Partidu Demokratiku Adriano do Nascimento hateten, deskonfia arguida Emilia Pires halai ba rai liur, nee Tribunal tenke Responsabiliza ba Publik, atu nunee labele kria polemika iha rai laran.

Ita bele deskonfia, maibe hanesan sidadun ita hein katak, arguida Emilia Pires nudar Timor oan nia sei fila, maibe Tribunal, Ministeiru Publik tenke responsabiliza ba publika, tanba kestaun ida nee kria ona polemika no konfuzaun boot iha nasaun ida nee,” dehan PR PD Adriano ba jornalista sira iha salaun enkontru CNE, Dili, Segunda (21/11/2016).

Eis Vise Prezidente Parlamentu Nasional, atual deputadu bankada PD nee kestiona katak, se bainhira Emilia Pires hanesan ema neebe ke arguida para atu prosesu, maibe tanba sa maka halo nia sai, tanba Emilia iha Tribunal no Ministeiru Publik nia liman.

Povu tuir Adriano katak, sei lakon fiar ba ukun nai sira, tanba hanesan bain bain ema kolia dehan, boot sira nee diak hela deit, kikuan lakelur tama komarka, boot sira latama komarka. Prezidente Partidu Demokratiku nee mos fira katak, arguida Emilia Pires sei fila, se nia lafila maka sei kria problema, tanba lolos nee kuandu ema ida sai arguidu ninia limitasaun de movimentasaun, maibe arguida Emilia nia bele reprezenta estadu ba tuir eventu internasional.

Iha fatin hanesan Prezidente Parlamentu Nasional Aderito Hugo da Costa hateten TL seidauk iha akordu ekstradisaun ho nasaun, sei priensia hela rekezitus lubuk ida oinsa atu bele to ba iha nivel ida nee, I presiza mos koperasaun mos ho nasaun vizinu sira neebe iha relasaun bilateral, atu tama ba tiha neeba.

Entretantu Vise Bankada Fretilin Francisco Branco katak Arguida Emilia pirres neebe uluk asumi kargu nudar membru governu durante mandatu rua tenki kopera ho parte justisa. Informasaun kompletu iha STL Jornal no STL Web, edisaun Tersa (22/11/2016). Carme Ximenes