DILI– Eskola hotu iha
Timor laran tomak, sei hahu halo ezame passajen ba estudante sira ba
tinan 2016 nian iha loron 21 Novembru. Ida nee tuir kalendariu
Ministeriu Edukasaun nian neebe mak estabelese ona.
Tuir Diretor Servisu Kooperativus
Ministeriu Edukasaun Antoninho Pires hatete katak, Ezame periodiku ou
ezame pasajen ba estudante sira nee tuir kalendariu eskolar nian, neebe
tuir kalendariu nee hatete semana oin hahu ona halao ezame, iha dia 21,
nee kalendariu ba estudante sira hotu iha Timor laran tomak hahu husi
ensinu baziku too sekundaria.
Hare ba iha eskola balu ohin komesa ona halo ezame, mezmu ita iha ona kalendariu maibe fleksivelmente, tanba haree ba ita nia kondisaun eskola balu sala limite entaun ohin nee baluezame uluk tiha para bele fo tempu fali ba klase seluk bele ezame fali iha semana oin,” katak Antoninho ba Jornalista Segunda (14/11/2016) iha nia knar fatin Ministeriu Edukasaun Vila-Verde.
Nia hatete, Kona ba ezame pasajen nee
material ezame prepara rasik husi eskola ida-idak, neebe lahanesan ho
ezame nasional, tanba kada tinan ezame nasional halao material ezame
prepara husi ME, maibe mos kada tinan ezame periodiku ho ezame pasajen
no mos ezame pasajen de siklu nee prepara rasik husi eskola sira.
Nunee mos Diretor Eskola Sekundaria Jeral
5 de Maiu Becora Manuel Verdial liu husi via telephone hatete, oras nee
dadaun sira prepara aan hela atu tama ba ezame pasajen, tanba nee sira
nia profesores sira halo hela revizaun materi ida-idak nia estudante
sira. Informasaun kompletu iha STL Jornal no STL Web, edisaun Tersa
(15/11/2016). Guilhermina Franco / Lucina Ximenes