PN Konsidera Governu Laiha Mudansa Ba Poupansa OJE

DILI-Reprezentante povu iha uma fukun Parlamentu Nasional (PN) konsidera VI Governu laiha mudansa ba politika poupansa, tanba laiha redusaun ba orsamentu, tanba nee husu ba Governu tenke kuidadu didiak.

Informasaun nee fo sai husi Reprezentante Povu iha uma fukun PN husi bankada PD, Paulino Monteiro ba STL iha edifisiu CNE, Caicoli-Dili, Segunda (21/11/2016).

Lolos nee ita tenke sukat osan mina rai tanba ita foti osan husi fundu mina rai mak boot liu tanba nee oinsa mak ita halo poupansa ida diak. Maibe hau haree katak esforsu Governu nian hau haree nunka iha redusaun,” dehan Paulino

Deputadu nee haktuir, komparasaun ba moris hanesan iha uma laran, tinan ba tinan presiza nee barak, Governu mos hanesan, maibe tenke buka fontes seluk para taka kuak orsamentu, labele larametin ba osan mina rai.

Iha fatin ketak, Observador Politika, Francisco Maucoro dehan, politika poupansa iha Governasaun ida nee seidauk hatudu pozitivu, tanba haree ba rezultadu dezemvolvimentu povu iha baze kontinua halerik ba nesesidade baziku. Informasaun kompletu iha STL Jornal no STL Web, edisaun Tersa (22/11/2016). Raimundo S. Fraga