Kampanha FRETILIN:
"Mari Alkatiri: Wainhira FRETILIN Ukun Sei Kria Kondisaun Diak Ba Emprezariu no Funsionariu"
Partidu FRETILIN hala’o kampania ba dala 8 tersa-feira semana ne’e iha same Distritu Manufahi.
Ba militantes no simpatizantes,
Sekretariu jeral Partidu FRETILIN Mari Alkatiri hateten, wainhira
FRETILIN ukun sei kapasita funsionariu publikus hodi implementa politika
desentralizasaun.
Kampania politiku FRETILIN ba dala 8 iha
kapital manufahi iha Tersa-Feira foin lalais, hahu ho karauvana haleu
kapital Distritu manufai husi militantes no simpatizantes FRETILIN.
Iha kampania ne’ebe hala’o iha eis
merkadu Distritu manufahi ne’e, Mari Alkatiri promete, emprejariu Timor
oan nu’udar parseiru dezenvolvimnetu, tamba ne’e wainhira FRETILIN
Governa, FRETILIN sei kria kondisaun ne’ebe diak ba sira.
"FRETILIN nia kumprimisiu maka ida ne’e,
fo fiar nafatin ba sira para atu hala’o sira nia servisu, FRETILIN sei
hatudu dalan para sira manan osan, manan diak liu, manan jujur liu,
FRETILIN iha sentidu de estadu, FRETILIN sei lakansela projeitu sira
ne’e, FRETILIN sei ajuda emprejariu sira ne’e atu hala’o servisu diak
liu tan, lalika laran tariidu," dehan Mari Alkatiri.
Iha fatin hanesan, Mari Alkatiri
hatutan, FRETILIN sei respeita no kapasita mos funsionarius publiku
ne’ebe fo ona dedikasaun iha Governasaun tuan hodi responde politika
desentralizasaun liu-liu estabelesementu kampara munisipal iha
Timor-leste.
"Ministeriu publiku idake kiik ho nomeru
kiik tebes iha governasaun FRETILIN, rihun sanulu resin rua (12.000),
agora A Governasaun AMP Funsionariu Publiku rihun to nolu resin (30.000)
resin, hakarak ka lakohi sira funsionariu publiku ona, FRETILIN sei
respeita funsionariu publiku hotu, FRETILIN sei fo formasaun, tamba
kuandu to’o tempu desentralizasaun ita presija sira anivel lokal, ita
presiza sira para hala’o ho kompetensia iha kamara Munisipais, iha
autoridade lokais," dehan Alkatiri.
Tuir orariu, kampania Partidu FRETILIN ba dala 9 kuarta-feira ne’e sei halao iha Distritu Ainaro.
Fontes : http://fretilinmedia.blogspot.com