Komunikadu
da Imprensa
“Operasaun
Represivu GOMMD, Saneamentu no Polisia ba Vendedór Ambulante iha Dili Ilegal”
Vendedór
estrada mai hosi kreatividade komunidade atu asesu ba ekonomia iha Timor-Leste
bainhira estadu seidauk bele kria kampu servisu ida ne’ebé adekuadu ba ema
hotu. Maizumenus liu 30% de’it hosi populasaun ho idade traballu mak bele asesu
ekonomia formal ne’ebé maior parte mai hosi despeza estadu nian, no liu 60% mak
sei depende ba ekonomia naun formal hanesan kria nia empregu rasik. Vendedór
estrada ida ne’e ezemplu hosi povu kria nia kampu traballu rasik.
Infelizmente,
kreatividade ekonomia povu kiik sira nian ida ne’e la hetan protesaun hosi
Governu no sempre hetan atuasaun ida ne’ebé la justu no la hamunu. Atuasaun
estadu ida ne’e sei hamate asesu moris ema kiik sira ba direitu ekonomia no
sosial hanesan konsagra iha konstituisaun no Konvensaun Internasional ba
Direitu Sosial no Ekonomia. Atuasaun ne’e sei halakon rendimentu familia
vendedór estrada sira, halo labarik sira labele hetan alimentasaun ne’ebé di’ak
no nesesidade baziku sira seluk.
Atuasaun
GOMMD, saneamentu no polisia Munisipiu Dili ba ami vendedór ambulante sai ona
hanesan servisu rutina autoridade munisipal Dili nian. Bazeia ba deklaransaun
Sra. Berta Viera, Xefe GOMMD, iha nutisia Timor post ne’ebé ami sita hateten
kata, “operasaun ida ne’e bazeia ba DECRETO-LEI N.º 33/2008 de 27 de Agosto
kona-ba HIGIENE E ORDEM PÚBLICAS. Exsekusaun ba lei ida ne’e, ami sente
katak halo ami vendedór ambulante tama iha situasaun ne’ebé represivu no
violentu nia laran. Tanba exekusaun ida ne’e, la iha despacho no notifikasaun
kona-ba espasu públiku sira ne’ebé ami labele faan no sirkula, maibé halo
generalizasaun ne’ebé la refleta ba lei 24/2011 relasiona ho natureza komesrsiu
ambulante nian. Alem de ida ne’e, atuasaun hirak ne’e dala barak ho meius
violentu ne’ebé kausa ba ofensa integridade fisika nomós halo estragus ba sasan
ne’ebé ami faan, no dala barak ami lakon ami nia sasan.
Tuir
mai kronologia kazu sira ne’ebé mak ami sempre infrenta durante hala’o ami nia
negosiu. kazu hirak mak hanesan tuir mai ne’e:
Atuasaun
GOMMD, saneamentu no Polisia Munisipiu Dili ba ami, vendedór ambulante, kuaze
loron-loron, desde Decreto Lei 33/2008 kona ba Higiene e Ordem Publica sai.
Pratika ilegal ida ne’e, kontinua to’o agora no viola ami nia direitu. Iha
loron 14/12/2016, horas tuku 20:30, ka tuku 08:30 kalan, iha Largo Lecidere,
GOMMD, Saneamentu no Polisia Munisipiu Dili, mai foti ilegalmente sasan ami
nain 50 resin nian. Atuasaun ne’ebé mak GOMMD, Saneamento ho Polisia halo iha
leten lidera direitamente husi Sra. Berta Viera halo ami lakon ami nia sasan,
karosa no osan balu ne’ebé ami tau iha ami nia karosa(hare lista anexo kona ba
total osan no sasan mak lakon).
Iha
loron 17/12/2016 horas 19:00 ka tuku 07:00 kalan, ami nia maluk seluk mós hetan
atuasaun ilegalmente husi Saneamento no Polisia Distrito Dili nian, iha Merkadu
lama ka CCD. Atuasaun ne’e halo ami nia maluk sira lakon sira nia sasan no osan
(hare lista anexo kona ba total osan no sasan mak lakon).
Desde
de Decreto Lei 33/2008 nia implementasaun to’o agora hasoru ami vendedór
ambuante nia meius hanesan de’it no la tuir prosedimento adinistrativa iha Decreto-lei
n.º 32/2008 de 27 de agosto procedimento administrativo, maibé GOMMD sempre mai
kolia no foti sasan de’it.
Pratika
administrativa hirak iha leten, ami hanoin katak ne’e pratika ilegal, la tuir
lei tanba tuir DECRETO-LEI N.º 24/2011 de 8 de Junho, LICENCIAMENTO DAS
ACTIVIDADES COMERCIAIS, ne’ebé sai hanesan base ba hodi halo negosiu. Tanba
ne’e ami nia existensia constitusionlmente e legalmente protegido. Ami
legalmente protegido tanba tuir Decreto Lei Licenciamento das Actividade ida
ne’e iha Artigo 4.º iha alinea, “e) Comércio ambulante, é a actividade
comercial exercida por pessoas singulares, que consiste na venda a retalho fora
do estabelecimento comercial, de forma habitual, ocasional, periódica ou
continuada, em perímetros ou locais devidamente autorizados, feiras, ou em
instalações comerciais desmontáveis ou transportáveis, incluindo roulottes.” Ho
baze legal ida ne’e mak ami nia maluk vendedór balu iha ona registo no balun komesa
atu trata sira nia lisensa ba comersio nian.
Ami
hanoin katak, exekusaun ba DECRETO-LEI N.º 33/2008 de 27 de Agosto kona ba
HIGIENE E ORDEM PÚBLICAS sem halo konjugasaun ho DECRETO-LEI N.º 24/2011 de 8
de Junho, LICENCIAMENTO DAS ACTIVIDADES COMERCIAIS, actos ne’ebé exekuta husi
GOMMD ho Saneamento nomós Polisia Munispiu Dili ne’e Ilegal. Tanba tuir ami nia
hatene katak atu kondena vendedór sira ho DECRETO-LEI N.º 33/2008 de 27 de
Agosto kona ba HIGIENE E ORDEM PÚBLICAS, GOMMD, Saneamento no Polisia
tenke hatudu evidensia katak ami kontra norma sira ne’ebé preve iha Decreto Lei
ida ne’e. Infelismente la iha, maibé kriminaliza vendedór hotu mak iha.
jeneralizasaun krime ne’e tuir ami nia hanoin juridicamente ne’e la los, tanba
pratika krime ne’ebé ema ida halo, nia mak responsabiliza ba nia akto, laos
halo aplikasaun geral ba ema hotu.
Ho
pratika ilegal sira iha leten, hanesan sidadaun ami mós hakarak uza meius legal
sira hodi defende ami nia direitu tuir konstituisaun, tanba ne’e bazeia ba
artigo artigo 48 konstituisaun Republika Timor-Leste ami hakarak hato’o ami nia
exigensia hanesan tuir mai ne’e ba instituisaun estado:
Ami
exigi ba Provedor Direitus humanos/PDHJ hodi halo investigasaun no prosesu kazu
hirak ne’ebé mak viola direitu vendedór ambulante sira tuir natureza kazu
idak-idak (civil no penal) ba Tribunal atu nune’e vendedór sira bele hetan sira
nia direitu.
Ami
exigi ba Administrasaun Munisipiu Dili, liu liu GOMMD, atu hapara nia aktu
ilegal sira kontra ami vendedór ambulante sira tanba ami nia existensia
legalmente preve iha Decreto Lei Numero 24/2011.
Ami
mós rekomenda ba Ministériu Komersiu Industria no Adminsitrasaun Munisipal Dili
hodi suporta no fo espasu turistiku no espasu públiku sira ne’ebé mak
ekonomikamente favoravel ba ami hodi halao ami nia negosiu tuir ami nia
natureza.
Ami
mós rekomenda ba Ministériu Turismo no Ministériu Komersiu hodi fasilita
vendedór ambulante sira nia asesu ba registo lisensiamento komersiu tuir
Decreto Lei 24/2011.
Faktus
hirak ne’ebé mak ami deklara iha leten bazeia ba violasaun ba ami nia direitu
ne’ebé mak ami hetan durante ne’e espesialmente iha loron 14/12/2016 no loron
17/12/2016.
Claudio
Amaral Pereira
Portavos
Vitima roda tolu
76169638