NOTISIA STL
DILI- Eis Prezidente Republika Timor Leste Jose Ramos Horta sei reprezenta nasaun Timor Leste iha simeira boot iha Brazil nebe sei partisipa husi ulun boot nasaun kuaze atus ida resin.
Eis prezidente Horta nia partisipasaun iha simeria boot ne’e hanesan endiadu especial Prezidente Republika Tuar Matan Ruak nian iha nasaun Brazil, tan ne’e Horta koalia ho Prezidente Tuar hodi troka hanoin no informsaun relasiona no diskursu nebe Horta sei halo iha semeiru boot ne’e.
Hafoin enkotru ho Prezidente Taur, Eis Prezidente Jose Ramos Horta ba jornalista Sesta (15/6) iha palasio Prezidente Aitarak Laran hatete, objetivu hasoru malu ho Prezidente Taur koalia liu kona ba deskursu nebe sei halo iha simeiru boot nebe iha Brazil.
“ Segunda feira, hau atu liu ba Brazil ba simeira liu mais 20, simeira boot teb-tebes, lideres xefi estadu, xefi governu atus ida resin mak sei partisipa iha neba, delegasaun Timor Leste nian mos boot, hau ba nudar endiadu especial Prezidente Republika nian,” dehan Horta.
Delegasaun governu Timor Leste tuir Horta katak sei ba ho planu mak aprezenta ona, nebe tama ba dezemvolvimentu sustentavel Timor nian ho dezemvolvimentu parkenasional, kuda ai, maritimu nebe Timor hola parte ona. Informasaun kompletu iha STL Jornal no STL Web, edisaun Sabado (16/6). Timotio Gusmão