Sesta, 15 Junhu 2012 - 16:33:17 OTL
NOTISIA STL
DILI-Komandante servisu operasaun nasional Polisia Nasional Timor-Leste (PNTL), Superintendenti Xefi Armando Monteiro hateten PNTL kontinua fo apoio ba seguransa iha rai laran.
Tuir Armando katak hanesan ema nebe’e maka halao’o knar iha parte seguransa, PNTL sempre fo apoio nafatin seguransa iha rai laran, tamba ida ne’e mak hanesan knar PNTL nian.
“kolia kona ba seguransa, ida nee sai hanesan asunto nebe’e maka importante ba ema hotu, nune’e Polisia sempre pronto fo seguransa ba Povu no rai ida nee,” dehan Armando ba STL iha kuartel jeral Kaikoli Dili, Kinta (14/6).
Nune’e mos komandante Jeral PNTL, Komisariu Longuinhos Monteiro, esplika papel Polisia ninian importante atu garante seguransa iha kampania, liu-liu situasaun saida deit maka akontese iha rai laran. Informasaun kompletu iha STL Joranl no STL Web, edisaun Sabado (16/6). Sonia Ferreira