.
Jornal Nacional Diario - Sesta, 15 Junu 2012
Iha
kampania eleisaun parlamentar Partidu CNRT nian iha Viqueque, Tersa
(12/6), utiliza patrimonia estadu nian, tuir monitorizasaun PDHJ nian
iha atividade kampania Partidu CNRT nian.
Faktus hatudu katak, membru
parlamentu Nasional husi bancada CNRT utiliza kareta Parlamentu nian ho
numeru matrikula MP 88 iha kampania ne’e, no identifika mos kareta balun
la uza matrikula.
PDHJ mos identifika katak, maske
iha kampania CNRT nian ne’e utiliza patrimonia estadu nian no kareta
balun xapa laiha, maibe Polisia Nasional Timor-Leste (PNTL) la foti
medidas no la buka haree ba kestaun ne’e.
Adjuntu PDHJ ba area direitus
humanus, Silveiro Pinto Batista, liu husi komunikadu imprensa, esplika
katak, PDHJ hanesan instituisaun independente ho funsaun atu proteze no
promove direitu sidadaun sira nia direitu no promove governasaun diak.
Ho situasaun ne’e, Silveiro
hateten, PDHJ sei hato’o rekomendasaun kumpletu ba orgaun kompotente
hodi foti medidas hafoin atividade kampania parlamentar.
Silveiru mos sublinha katak,
komprimisiu politiku ne’ebe maka lider partidu sira promete iha tempu
kampania ne’e hanesan bosok deit povu hodi hetan votus.