Jornal Nacional Diario - Sesta, 15 Junu 2012
Prezidenti Partidu CNRT Xanana Gusmao afirma, iha Timor-Leste, sei deit maka sama povu nia interese, nia sei sinkirkan ema ne’e.
Xanana Gusmao koalia ida ne’e,
ba militante no simpatizantes partidu CNRT iha Laklubar, Kinta, (14/6),
relasiona ho prosesu dada Pipeline mai Timor-Leste.
"Ba Prosesu dada pipeline no
espolrasaun, Timor-Leste mos bele, tanba oras ne’e dadaun Timoroan sira
mos preparadu dadaun, ita Timor mos bele i laos atu hakruuk demais,
maibe hamrik ba i fiar an lao ba oin," katak xanana Gusmao.
Xanana Gusmao hateten, balun
temi, bainhira koalia koalia konaba minarai kadoras atu mai, balun temi
iha jornais sira iha Dili, nia (Xanana) fo kasihan ba sira, kasihan
kamu.
"Ita keta hakilar kompania
bobot, ita ne’e se atu hakilar kontra kompania internasional, kasihan I
hau respeita hela, maibe pipeline tenki mai, ita tenki hamutuk iha buat
ida ne’e, defende ita nia rikusoin, atu dezenvolve ita nia rain, biar,
se-se deit maka sama povu nia interes, hau sei sinkirkan," deklara
Xanana Gusmao.
Xanana Gusmao realsa tan, uluk fo an ba mate la tauk, ohin loron ne’e ulun aan ona.
"O bele hanoin liu to’o iha
ne’ebe, hau hakruk ba o, maibe ho sama povu ida ne’e nia interese hau
sinkirkan, ho morterus, aviaun, kainaun, no buat oioin ita la tauk, ohin
loron atu defende povu nia interese, rai lulik ida ne’e sei hateke ba,"
katak xanana.
Xanana Gusmao mos kontinua sadik mate bean sira hanesan sadik iha tempu funu ba ukun an, tanba hakarak jhadia povu nia moris.
"Ita iha buta tolu diak
tebe-tebes, ita rai kiik, ita ema oituan, ita riku, ne’eduni estadu nia
obrigasaun maka ida ne’e, kaer rikusoin povu nia ne’e hodi hadia povu
nia moris, lalais, tenki agora, lalika hein sira mate hotu maka foin
hanoin, ne’e labele akontese, oras to’o ona ita hotu hamutuk kaer buat
boot ida ne’ebe estadu nian maka, hadia povu nia moris," tenik Xanana
Gusmao.