Sesta, 15 Junhu 2012 - 16:35:53 OTL
NOTISIA STL.
DILI_Membru governu ne’ebe mak hola parte iha koligasaun Aliansa Maioria Parlamentar (AMP), ikus mai kritika malu iha partidu laran hodi buka votus husi povu.
Hare ba kondisaun ne’e, membru Comite Central Fretilin Roberto Jeronimo konsidera situasaun hanesan ne’e lalos no la iha lojika, tamba sira maka kaer ukun, fila sira maka kritika malu.
“Ema hirak ne’ebe hola parte iha governu AMP nia laran mak kritika fali malu, ida ne’e atu halo fali povu konfuzaun, ba povu ne’ebe komprende no hatene sira bele hatete katak, sira ne’e mak kaer ukun depois sira atu kritika fali ida ne’e koalia ba se,” dehan Roberto ba STL bainhira partisipa iha reuniaun CNE ho parpol iha salaun CNE foun Caicoli, Dili Sesta (15/6).
Roberto haktuir, ema hirak ne’e koalia mais sira mos hola parte husi governu, neduni Fretilin hanoin la iha lojika tanba se partidu Fretilin no partidu opozisaun mak kritika ida ne’e normal.
Miguel Maia Dosente Universidade Nasional Timor Leste (UNTL) konsidera, kritika ne’ebe partidu sira halo, ida ne’e laos kritika konstrutivu maibe kritika destroitivu. Informasaun kompletu iha STL Jornal no STL Web, edisaun Sabado (16/6). Natalia Moniz