NOTISIA STL
DILI-Tama ba loron 11 kampañe Eleotoral, observasaun Comisaun Nasional Eleisoens (CNE) nota katak Partidu 6 maka viola ona orariu kampañe ka halo Kampañe sai husi oras nebee Lei determina.
Prezidenti Komisaun Nasional Eleisoins (CNE), Faustino Cardoso hatete, iha Partidu 6 maka halo violasaun ba oras kampañe ka sai husi oras kampañe hanesan, Partidu Demokratiku (PD), Partidu Congresu Nasional Rekunstrusaun Timorense (CNRT), Partidu Demokratiku Cristaun (PDC), Partidu Unidade Nasional (PUN), Partidu Sosial Demokrat (PSD) no Partidu Dezenvolvimentu Nasional (PDN).
“Ami CNE nia observasaun katak persentazen violasaun pursentu barak liu mai husi Partidu CNRT ho frekuensia 42.7%, tuir fali maka Partidu Demokratiku (PD) 25%,” hatete Faustino iha nia interevensaun ba sorumutu ho Lideransa Parpol, iha Salaun CNE Caikoli Dili, Sesta (15/6).
Relasaun ho ida nee maka Prezidenti CNE husu ba Lider Parpol sira atu banati tuir oras nebee Lei determina ona katak oras hahu kampañe iha tuku 8:00 to’o 18:30 otl. Informasaun kompletu iha STL Jornal no STL Web, edisaun Sabado (16/6). Terezinha da Costa