Sesta, 15 Junhu 2012
NOTISIA STL
DILI- Eis Prezidente Jose Ramos Horta husu ba partidu Congresu Nasional rekonstrusaun Timorense (CNRT) atu labele preokupa no nervosu demais, tamba CNRT sei manan iha elisaun parlamantar ho Kay Rala Xanana Gusmao nia lidaranse nebe diak durante ne’e.
Horta fo sai kestaun ne’e ba jornalista Sesta (15/6), iha palasiu Prezidente Aitarak Laran hafoin hasoru malu ho Prezidente Republika Taur Matan Ruak, relasiona ho informasaun nebe halo husi lideransa partidu CNRT hasoru esteitemtu nebe Horta fo sai iha kampaina parlamentar PD nian iha distritu balun.
“ Hau hatete deit ba hau nia alin sira iha CNRT keta prekupadu demais, keta nervozu kuandu sira koalia ne’e hanesan nervozu fali, hanesan PD mak atu manan fali, hau hanoin CNRT sei manan, maun Xanana ema lider karismatiku no halo governasaun nebe diak,” dehan Horta.
Nia hatutan, ema balun iha CNRT mak ladun konkorda, maibe senti konfuzu oituan tamba CNRT sempre hatete veteran hotu iha partidu CNRT, balun la hatene veteran duni, keta laos veteranu karik, la presiza temi naran. Informasaun kompletu iha STL Jornal no STL Web, edisaun Sabado (16/6). Timotio Gusmão