Kinta, 14 Junhu 2012 - 16:10:09 OTL
NOTISIA STL
DILI_Timor Leste (TL) bele sai lalenok ba rai seluk iha parte demokrasia nia laran, bainhira kampania ne’ebe halao husi partidu politiku (Parpol) sira lao ho diak no susesu.
Dosente husi Universidade Nasional Timor Leste (UNTL), Migule Maia fo sai lia fuan ne’e ba STL iha nia servisu fatin, kampus induk, Dili, Kinta (14/6), katak situasaun hakmatek ne’e maka lao to’o elisaun parlamentar hodi forma governu foun ho susesu, maka TL sei sai lalenok ba nasaun hotu.
“ Hau hein katak, situasaun ida ne’e mak kontinua mosu ita bele sai lalenok ba rai seluk iha parte demokrasia nia laran, katak mesmu ita foin independensia mais ita komprende ona saida mak demokrasia, oinsa mak ita bele hato’o ita nia ideias liu husi kampania politika, dialogo no vizita husi odomatan ba odomatan, ida ne’e parte pozitivu tebes,” dehan Miguel.
Miguel informa, kampania lao ho diak iha nasaun demokrasia tanba hetan seguransa husi Polisia Nasional Timor Leste (PNTL) no mos parte kompotente ne’ebe akompania ka asegura fo seguransa masimu. Informasaun kompletu iha STL Jornal no STL Web, edisaun Sesta (15/6). Natalia Moniz