Kinta, 14 Junhu 2012 - 16:11:37 OT
NOTISIA STL
DILI- Komisaun Anti Korupsaun (KAK), Kinta (14/5), bolu urjenti Sekretariu Estadu Obras Publiku (SEOP) hodi presta deklarasaun kona ba projeitu Estrada emerjensia, nebe implementa husi kompania balu iha Distritu Viqueque no Ermera sem konhesementu husi Governu.
Sekretariu Estadu Obras Publiku, Domingos Caero haktuir, nudar sekretariu estadu persiza hato informasaun kona ba projeito Estrada emergensia nebe implementa husi kompania balu iha distritu rua, laiha koinhesementu husi estadu liu liu obras publicu rasik.
“Hau notifikadu hanesan testamunha kona ba projetu estrada emerjensia nebe halao husi Komapania balu laiha koinhesementu husi Obras Publik, nune’e instituisaun KAK bele konsidera halo investigasaun klean kona ba kaju ida ne’e,” dehan Caero hafoin presta deklarasaun, ba Jornalista.
Caero informa liu tan katak, Kompania nebe implementa projetu Estrada emerjensia iha Distritu Viqueque no Ermera laiha koinhesementu husi estadu, tamba ne’e nia hetan xamada husi KAK hodi informa kestaun ne’e, nune’e, iha futuru bele hadia kualidade de servisu. Informasaun kompletu iha STL Jornal no STL Web, edisaun Sesta (15/6). Ines das Dores/Timotio Gusmão