Kinta, 14 Junhu 2012
NOTISIA STL
DILI-Arguida Lucia Brandão Freitas Lobato nebe simu desizaun final husi Tribunal Distrital Dili (TDD) iha (8/6/2012) tinan lima (5) kadeia ho krime partisipasaun ekonomia ou negosio, husi parte defeza sei halo rekursu, hodi husu ba Tribunal atu fo kasete gravasaun arguida Lucia nian nebe grava durante julgamentu.
Rajaun fundamentu defeza husu tribunal entrega kasete Gravasaun atu hatene liu tan konteudo husi gravasaun nune’e, parte defeza bele prepara halo rekursu ba kaju arguida nian ba Tribunal Supremu.
Defensor Publiku Sergio Hornai koalia lia hirak ne’e ba STL iha nia kna’ar fatin Balide Dili, Kinta (14/6). Sergio hateten tuir lei nebe iha, loron sanulu resin lima (15) halo rekursu depois simu tiha dokumentus hotu nebe mak iha relasaun ho materia kona ba prosesu julgamentu tomak.
“Los duni katak, iha prosesu ida ne’e rekursu sei lao hela no hare ba dokumentus nebe parte defeza tenki rekolha seidauk kopleta mak, hanesan kasete gravsaun nebe durante julgamentu grava hela nune’e husi defeza husu ba Tribunal atu hare prazu intrega kasete gravasaun arguida nian nune’e’e ami bele halo rekursu,”dehan Sergio. Informasaun kompletu iha STL Jornal no STL Web, edisaun Sesta (15/6). Ines das Dores