Jornal Nacional Diario - Kinta, 14 Junu 2012
Presidenti
Partidu Congresu Nasional Rekonstrusaun Timor (CNRT) Kay Rala Xanana
Gusmao hatete katak, ema frustrasi maka hakilar dehan Governu AMP ukun
at iha tinan lima nia laran ne’e.
Xanana Gusmao deklara ida ne’e, liu husi kampania partidu CNRT, iha Sub Distritu Natar-Bora, Distritu Manatutu, Kuarta (13/6).
"Hau rona katak, balun iha Dili
hakilar katak, AMP aat liu Governu ida uluk, ida ne’e ita bolu
frustasi,’ defende Xanana Gusmao actual Primeiru Ministru no lider
maximu partidu CNRT ne’e.
Xanana Gusmao haklaken tan, nia
parte la hatene, sira ne’ebe hakilar iha Dili ne’e, hare ka lae, tanba
esperensia iha tinan lima diak tebe-tebes, tanba nia rasik maka
akompania Governu AMP iha tinan lima nia laran.
"Iha mundu laiha buat ida
prefeitu liu, ita halo diak, ita mos sempre halo sala balun, maibe ida
ne’e laos sala ne’ebe atu la kurizi, la’e, mais ita hare husi sala sira
ne’e, ita hakat ba buta diak," katak Xanana.
Xanana Gusmao mos sente
esperensia ne’ebe nia rasik maka lidera paridu lima iha governu AMP nia
laran, komesa hadia dadaun ona ba povu nia moris no nasaun ida ne’e,
maibe seidauk hotu, presiza halo nafatin i servisu nafatin iha tempu
agora ba oin.
"Partidu CNRT nia hanoin no mehi maka ida ne’e, Timor oan hamutuk, ita hakat ba oin ho fiar aan," katak xanana Gusmao.
Observasaun Jornal Diario iha
kampania Partidu CNRT Natarbora lao ho hakmatek no iha paz nia laran,
tanba hetan seguransa masimu husi Polisia Nasional Timor-Leste (PNTL).