.
Jornal Timor Post - Kinta, 14 Junu 2012
"Agora ema balu uza fali farda atu hatun FRETILIN, lalika pusing,’ Afirma Sekretariu FRETILIN Mari Alkatiri.
Alkatiri hateten, FRETILIN laiha inimigu, tanba ne’e, nia sublinha, FRETILIN sei hakat nafatin ba oin hodi defende povu no nasaun ba futuru ne’ebe diak liu.
"Tau farda ka la tau farda, ne’e lalika pusing," hateten Alkatiri iha kampania FRETILIN Tersa (12/6), iha Sub Distritu Same, Distritu manufahi.
Tanba ne’e, Alkatiri husu ba povu tomak atu vota ba FRETILIN hanesan partidu istoriku ida ne’ebe luta ba independensia ba rai ne’e atu kaer ukun diak liu.
Entertantu, Alkatiri kestiaona mo slider politik balun kandidat nia aan ho independenti ba primeiru Ministru.
"Demokrasia nia baze maka partidu politiku, la’os demokrasia nia baze maka independenti, atu lori governu ida ne’e ba oin tenki iha demokrasia laos kanidatu independenti ba Primeiru Ministru," hateten Alkatiri.
Iha kampania ne’e, Alkatiri ba militante no simpatizantes rihun ba rihun kritika maka’as Governasaun AMP, ne’ebe tuir nia, durante mandatu gasta osan povu nia barak tebes maibe dezenvolvimentu lalao.
"Sira ukun durante tinan lima, la akontese buat ida, besik ona eleisaun fahe fos lori osan para hadia luron no fakar osan arbiru deit, ema lubun liman lais maka sai riku, povu tomak sei kiak ba nafatin," hateten Alkatiri.