Aderito Hugo Portavos partidu Conggresu Nasional da Rekonstrusaun de Timor-Leste (CNRT)
NOTISIA TEMPO-SEMANAL
Mari hakarak dehan, saida iha matéria kampaíña hodi husu ba maun boot Xanana no Horta atu hamutuk ho nia iha kontestu saida. Tanba, nia mak durante ne’e. Kolia sobre Estadu de diretu no demokrátiku.
“Ita adopta multipartidáriu poténsia Timor hotu iha ninia diretu hanesan atu submete ba organizasaun Partidu Polítiku hotu-hotu. Irmaun Mari ninia deklarasaun la hatene ninia atensaun saida,”esplika Adérito ba Jornál Tempo Semanál bainhira kampaíña CNRT iha kampu demokrasia foin lalais ne’e.
Nia hatutan, karik realidade polítiku mak obriga nia atu kolia matéria sira ke la hanoin no komprende atu lori ba ne’ebé. Maibé, saida mak Mari tenke hatene. Maun Kay Rala Xanana Gusmão kaer kargu no podér polítika ne’ebé iha liu husi pratika demokrasia.
Hari ninia partidu rasik ho kompetisaun Eleisaun ida demokrátiku tebes. Iha momentu sai Presidente Repúblika mós liu husi Eleisaun. Nune’e mós sai Primeiru Ministru.
CNRT hari iha tinan 2007 kompete ho Fretilín. CNRT sai segundu lugar iha 2007. Depois de Eleisaun 2007 hetan konfiansa husi partidu ki’ik atu forma Governu Aliansa Maioria Parlamentár (AMP).
Ne’e, pratika polítika maun Xanana hala’o. Nune’e mós maun Ramos Horta hetan podér polítika liu husi demokrasia la’ós uza sira nia famozu ne’ebé ke sira iha durante 24 anus lori hetan kargu sira ne’e. Tuir nia, Mari ninia mensajen la hatene atu hateten saida. No atu hala’o edukasaun polítika saida ba povu. Iha faze ida kampaíña ba Eleisaun Jerál.
Hataan ba deklarasaun ne’e Fretilín hakarak koligasaun ho CNRT? Adérito responde, “CNRT lakohi kolia kona ba koligasaun. Tanba, ami nia tarjet agora hakarak manan maioria lori ukun. Sei la too tarjetu ne’ebé ami kolia. Depois de Eleisaun Jerál foin ita bele hare iha posibilidade koligasaun ou lae,”dehan Adérito ho fiar an.
Tanba, sira nia tarjet ne’ebé iha bazeia ba konsolida ne’ebé sira hala’o durante kampaíña iha fulan ida nia laran no konsolidasaun tinan hitu partidu ne’e, hari mak hakarak ukun povu ho dignidade liu husi podér ne’ebé povu fó husi Eleisaun demokrátiku.
La iha dalan seluk, konferénsia programa konkreta ne’ebé ke atu lori povu ne’e, sai husi kiak no mukit la iha propaganda la iha issu saida mak iha. Programa konkreta. Oinsá atu lori povu sai husi kiak no mukit no sentraliza nasaun ninia ekonomia povu hanesan nasaun sira seluk.(ts)