Dili-MLP, Prezidente
Partidu CNRT, Kay Rala Xanana Gusmão fo parabens ba kuadru politika Partidu
CNRT nian iha Distritu 13 nian no estrutura tomak to’o baze,ho sira nian
esforsu aan tomak hodi servisu maka’as hodi Partidu CNRT hetan nian vitória.
“Hau fo parabens ba
kuadru partidu CNRT tomak husi Nasional to’o baze ne’ebe ho sira nian esforsuan
tomak hodi servisu durante ne’e hodi partidu CNRT hetan nian vitoria iha
eleisaun parlamentar ne’e”dehan Prezidente Kay Rala Xanana Gusamão iha
Konferénsia Superior Partidu CNRT nian iha Sentru Konvensaun Dili Domingu
(15/07)
Prezidente informa
tan katak Partidu CNRT hamriik no ohin loron sai bo’ot tamba kuadru hotu-hotu
nian servisu mak ohin loron CNRT hodi hetan kadeira 30. Iha fatin seluk
Koordenador Partidu CNRT Disrtiu Bobonaro, Jacinto Viegas “Roke” hateten katak
hau sente orgolhu tebes ho servisu kuadru partidu CNRT nian husi distritu to’o
baze ne’ebé ho nian esforsu a’an tomak hodi Partidu CNRT konsege hetan
kadeira 30 iha Parlamentu Nasional.
“Hau nuudar
koordenador sente orgollu tebes ho servisu kuadru partidu CNRT nian
ne’ebe durante ne’e mai halo maske la manan maioria maibe konsege hetan duni 30
kadeira iha parlamentu Nasional”dehan Jacinto