President komite 12 de
Novembru, Grigorio Saldanha (Mouris) husu deputadus Parlamentu Nasional
(PN) atu rona, estudantes universitarius sira nia ezizensia hodi halo
revizaun ba lei pensaun vitalisa, tanba povu barak mak sei kiak.
“Hau rasik la konkorda no lamenta tebes
ho lei pensaun vitalisa, ne’ebe ho ida ne’e hau hakarak husu ba orgaun
ne’ebe mak iha kompetensia mak hanesan, PN no Guvernu para atu halo
revizaun ba Lei pensaun vitalisa refere.” Afirma president komite 12 de
Novembru ba Jornalista sira, hafoin hala’o enkontro ho estrutura
exekutiva Liga Futebol Amadora (LFA) iha edifisiu komite 12 de Noverbro
Balide Dili-kuarta feira (20/09/15)
Nia hatutan, tanba hare ba situasaun no
kondisaun real ne’ebe mak iha katak, povu barak mak sei kiak, moris iha
mukit nia laral, tanba hau konkorda tebes ho ezizensia estudantes
unisitarius sira, husu ba PN atu halo lalais revizaun ba lei pensaun
vitalisa.
Iha tempu no fatin ne’ebe mak hanesan,
director Asia Justice And right (AJAR) José Luis de Oliveira hateten,
konabá manifestasaun ne’ebe organiza husi estudantes universitarius,
ne’e direitu no laos krime, maibe ne’e nudar mos meius kominikasaun
politiku ne’ebe husi estudantes sira halo ka hato’o aspirasaun konabá
lamentasaun ne’ebe mosu dadaun, mak hanesan pensaun vitali.
“Tanba ne’e mak ita husi ba PN no
governu tenke rona estudantes universitariu sira nia aspirasaun refere,
tanba sira duni mak iha kompetensia hodi hjalo revizaun ba lei pensaun
vitalisa.” Nia realsa
“Hau lamenta tebes ba instituisaun
seguransa Polisia Nasional de Timor Leste (PNTL), ne’ebe mak izola fali
manifestante sira iha fatin ne’ebe dok, iha kampu kulau Becora nebá,
tanba sira hato’o sira nia aspirasaun politiku ne’e, presiza rona husi
membru PN,Governu no entidades sira seluk atu mai rona, tanba buat
ne’ebe estudantes sira hato’o ne’e lejitim. Tanba pensaun vitalisa kria
deskriminasaun social, no hamosu fali klase burgeza iha Timor Leste
(TL), afinal ita nia maun bot sira nia luta iha tempu okupasaun
Indonesia iha tinan 1975 to’o mai independensia ne’e atu halakon nka dud
uses buat klase burgezia, maibe ho pensaun vitalisa hakiak no haburas
fali burgezia.” Dehan nia.
Jornal Diariu