DILI-Arguidu Mario Ramos
da Costa,Tiago Soares Amaral no Fracisco Almeida tenke hatan iha
tribunal tanba estraga lezada Aguida da Silva no Zacarias nia sasan
neebe ho folin $20.000 resin.
Liu husi audensia julgamentu tribunal lee
sai akuzasaun husi ministeriu Publiku katak, iha loron 25 Agostu tinan
2012 tuku 8 kalan iha Maubara arguidu sira hakilar iha lezada Zacarias
nia uma no hasai liafuan tolok, estraga uma lima no estraga sasan uma
laran nian, baku rahun kareta bus ida no arguida sira kontinua tuda uma.
Sasan neebe mak arguidu sira estraga nee
nia folin neebe mak boot. Kareta nia folin rihun rua nulu ($20.000)
resin, sasan uma laran nia folin $150. Ho arguidu sira nia hahalok nee
Ministeriu Publiku akuza ho krime danu agravadu.
Hatan ba akuzasaun nee arguidu Mario
hatete, akuzasaun nee lalos hotu tanba nia laiha poblema ho lezadu sira.
Iha loron nee nia ba Tibar duni maibe laos atu ba buka problema.
Momentu nee nia atu ba ema mate.
Nunee mos arguidu Francisco Almeida dehan, momentu iha akotesementu nee nia neeba no nia mos la hatene kona ba problema nee.
Entretante lezada Aguida hatete, momentu
iha loron 25 Agustu tinan 2015 iha tuku 8 kalan sira iha uma laran hela,
maibe tanba saida mak arguidu ba asaltu sira. Informasaun kompletu iha
STL Jornal no STL Web, edisaun Sabado (19/11/2016). Domingas Gomes