DILI – Eleisaun Jeral sei halao iha tinan
oin, tanba nee, husu ba feto sira tenke hatudu nafatin kapasidade, hodi
bele kompete iha eleisaun.
Tuir Prezidente Rede Feto, Judite Diaz
hatete, eleisaun hotu-hotu presiza feto nia partisipasaun, maibe ba iha
eleisaun jeral, depende ba partidu ida-idak mak sei koloka ninia ema,
husu nafatin ba feto sira, atu bele prepara aan didiak, hodi bele
aumenta kapasidade neebe mak diak liu tan.
Hau nia mensajen ba ita nia feto maluk sira katak, feto sira mak tenke hatudu sira nia kapasidade, oinsa mak atu bele liu 30 pursentu, se feto sira iha kapasidade nomos feto iha abilidade neebe mak diak, atu nunee feto sira mos bele liu nivel 3 pursentu,” dehan Judite ba STL liu husi via-telefone Dili, Kuarta (16/11/2016).
Nia sublina katak, durante nee fundasaun
Caucaus, Patria no Rede Feto sira mos sempre halo koordenasaun servisu
nafatin, hodi bele fo kapasitasaun feto sira, neebe antes tama iha
eleisaun, feto sira mos komesa aprende, tanba sira mos hetan formasaun.
Iha parte seluk, deputadu husi bankada
PD, Adriano Joao, hatete, iha loron 3 Novembru selebra loron nasional
feto, maibe konaba atu kompete iha Eleisaun Jeral 2017 nee, oinsa atu fo
nafatin korazen ba feto sira. Informasaun kompletu iha STL Jornal no
STL Web, edisaun Kinta (17/11/2016). Jacinta Sequeira