DILI-Komemorasaun loron
Feto Nasional Timor Leste ba dala 40, neebe selebra iha Parlamentu
Nasional, hodi dignifika heroina Maria Tapo nia Luta ba ukun rasik aan.
Sekretariu Estadu Mulher (SEM) Veneranda
Lemos iha nia diskursu hateten, Loron 3 Novembru sai nudar loron
nasaional feto, tanba iha loron nee 1975 Maria Tapo mosu, feto
libertadora ba libertasaun nasional neebe hanaran Maria Tapo, neebe mate
iha batalia fronteira Tapo hasoru forsa envazoris sira.
Maria Tapo mate nee nudar loron nasional ba feto Timor Leste, ida nee atu dignifika Feto Timor Leste hotu hotu ninia luta, ba libertasaun Timor Leste iha frente hotu hotu, hanesan Frente klandestina, frente armada no frente diplomatika,” dehan SEEM Veneranda liu husi diskursu loron nasional feto TL ba dala 40, iha PN, Dili, Tersa (15/11/2016).
Nia dehan, objetivu husi libertasaun
Timor Leste atu liberta feto Timor Leste husi mukit, alfabetizasaun,
desigualdades jeneriu, deskriminasaun oin oin neebe haterik netik feto
nia dalan atu goza ninia direitu.
Iha fatin hanesan Prezidente GMPTL
Florentinha Smith hateten hanesan feto kontenti, tanba ezistensia loron
nee nian halo loron 40, neebe maka ninia otas tuan hanesan partidu
istoriku Fretilin no OPMT.
Entretantu Prezidente PN Aderito Hugo da
Costa hateten, PN ho orgaun estadu nian sira seluk Timor Leste nian,
desde restaurasaun independensia kuaze 14 anus laiha rezerva atu tau
atensan ba formasaun feto nian iha Timor Leste. Informasaun kompletu iha
STL Jornal no STL Web, edisaun Kuarta (16/11/2016). Carme Ximenes