DILI – Reprezentante
povu iha uma fukun Parlamentu Nasional (PN) husu ba Komisaun Nasional
Eleisaun (CNE), atu kria formasaun demokratiku ba partidu politiku
objetivu atu hatene simu manan no lakon no atu hatene direitu no dever.
Tuir Deputadu Bankada PD, Paulino
Monteiro hatete, CNE hanesan orgaun independente ida iha estadu direitu
demokratiku, nudar mos orgaun supervizaun iha prosesu eleisaun, presiza
halo formasaun.
Funsaun CNE mak nee, tenke fo treinamentu, fo kursu ka, loke formasaun ba partidu politik sira ho formasaun demokratiku ba partidu hotu-hotu para sira (Parpol) uza sira nia sentidu nudar sidadaun Timorense hodi implementa politika iha rai laran ho dignu, ho diak,” dehan Monteiro ba STL iha PN-Dili, Kuarta (16/11/2016).
Deputadu Monteiro haktuir, objetivu husi
kriasaun formasaun politika ba partivu politiku sira katak nia mos
sidadaun ida, nia mos parte Timor nia oan ida, neebe politika ida diak,
para atu konstrui ka atu dezenvolve rai nee.
Iha sorin seluk, Deputada Bankada
Fretilin, Florentina Smith dehan, eleisaun 2017 besik ona tanba hela
deit fulan rua tama ba tinan 2017. Tan nee husu CNE presiza halo
preparasaun. Informasaun kompletu iha STL Jornal no STL Web, edisaun
Kinta (17/11/2016). Raimundo S. Fraga