DILI – Komemorasaun
loron 28 Novembru 2016 neebe sei realiza iha munisipiu Lautem, Sosiedade
Sivil husu ba estadu liu-liu ba ukun nain sira labele kontinua
marjinaliza povu, tanba politika foer.
Tuir Sosiedade Sivil AJAR, Inocencio
Xavier hatete katak, libertasaun patria ohin loron atinji ona, maibe
libertasaun povu seidauk atinji, tanba nee lideransa sira presiza hadia
politika.
Lideransa estadu presiza iha politika jestaun, planeamentu neebe mak efikasia no efisiensia, haree los planu neebe hatur hodi sai alvu direita ba povu, nunee labele marjinaliza povu,” dehan Inocencio ba STL iha nia knar fatin, Farol-Dili, Tersa (15/11/2016).
Sosiedade Sivil nee haktuir, povu hodi
goja ukun rasik-an ida nee, ukun nain ka lideransa sira presiza mos iha
planu estratejiku nasional neebe refleta ba moris povu nian. Inocencio
salenta, sira mos enkoraja estadu atu asegura politika publika neebe mak
diak, refleta ba situasaun sosiu ekonomika povu sira iha area remotas
no estrema remotas neebe mak seidauk asesu dezenvolvimentu.
Iha fatin ketak, Deputadu Bankada
Fretilin, David Dias dehan, komemorasaun loron 28 Novembru neebe mak
halo iha munisipiu Lautem, nee nudar forma ida hodi tun ba iha baze hodi
hametin fali valores rezistensia.
Nunee mos, Deputadau Bankada CNRT, Cesar
Valente informa, komemorasaun tuir tribunal superior administrative
fiscal I kontas fo sai gastus boot ida mak eventu nasional sira.
Informasaun kompletu iha STL Jornal no STL Web, edisaun Kuarta
(16/11/2016). Raimundo S. Fraga