ida lor-loron para fakar kosarben hodi estuda sai estudante
ne’ebé kualidade, serbisu maka’as no servidór di’ak hodi
prodús obra ho kualidade, hadook-án hosi hahalok ladi’ak
ne’ebé lori susar ba povu rasik hanesan violénsia, halo
korupsaun, koluzaun no nepotizmu.
“Mai ita hadomi malu, respeita malu hodi hametin
seguransa no unidade nasionál nu’udar kondisaun indispensável ba dezenvolvimentu
nasionál, hodi muda povu ba moris di’ak,” Prezidente Komité 12 Novembru, Gregório
Saldanha dehan liuhusi nia deskursu iha Komemorasaun Masakre Santa Cruz ba dala
25 iha Semitériu Santa Cruz, Sábadu, (12/11).
Nia esplika, lema ba komemorasaun Masakre Santa Cruz ba dala 25 “Hamutuk serbi
nu’udar obra ba aswa’in sira” la’ós liafuan mamuk de’it maibé tenke serbisu maka’as
no hakarak halo mudansa ba mentalidade iha moris lor-loron hodi harii TL di’ak liu iha
futuru.
Eis vítima persegisaun ne’e husu ba juventude sira atu orgullu ho loron Masakre Santa
Cruz ne’ebé hanesan Loron Nasionál Juventude. “imi maka ami nia esperansa hodi
kontinua luta ba povu nia moris di’ak no harii TL ida di’ak iha futuru,” nia tenik.
Iha okaziaun ne’e, Gregório mós aviza ba sobrevivente atu prepara-án hadi’a dadus
12 Novembru nian para hetan lista ida loloos, sobrevivente sira tenke sai ezemplares
iha moris lor-loron, hadomi malu, ka’er metin unidade iha komunidade nia leet,
estuda no serbisu maka’as hodi hadi’a família ida-idak nia ekonomia.
(jornalista: Xisto Freitas; editora: Rita Almeida)