Laen Abandona Fen, Kauza Oan Nia Futuru

DILI– Ohin loron mundu globalizasaun, afeita liu husi media oi-oin hanesan internet, facebook, tanba nee, laen sira abandona fen, nee kauza ba oan sira nia futuru.

Tuir Madre Isabel Francisca de Deus, Fdcc, katak, bainhira laen abandona fen, inklui abandona sira nian oan, bele kauza mos oan sira nia futuru, tanba laiha inan aman neebe mak kompletu atu bele kontrola oan sira.

Hau haree pesoalmente, tanba hau hanesan relijioza ida, hau nia pesoalmente kazu neebe agora sai hanesan nee iha mundu particular hanesan ita iha Timor, inan feton no maluk feto sira balun neebe  mos hetan abandona inklui oan sira mos sai abandona, kuandu sira simu sakramentu iha igreja, juramentu Ida neebe dehan, sira nee isin Ida deit, no labele fahe malu, bainhira mate deit mak bele determina,” hatete Madre Isabel ba STL iha nia knar fatin Kintal Boot, Dili, Segunda (21/11/2016).

Nia hatete, abandona bele lori sira la komitmen ba sira nian sakramentu matermonia nia valor nee lakon, tanba sira nia juramentu desde iha inisiu husi igreja la too rohan, kauza laos deit ba fen laen, maibe oan sira.

Iha parte seluk, madre Eufrazia Araujo Fdcc hatete, feto neebe mak abandona husi sira nia laen buat neebe ladun diak, tanba halo terus, no igreja la permiti, nudar mane tenke rona sira nia kaben. Informasaun kompletu iha STL Jornal no STL Web, edisaun Tersa (22/11/2016). Jacinta Sequeira/Guilhermina Franco