DILI – Ministeriu
Edukasaun (ME) sei prepara materia ezame nasional ida atu nunee fo fali
ba estudante finalista sira neebe maka seidauk tuir, tanba balu ba tuir
atividade desportu, balu moras no balu ba tuir hela atividade kanta
dangdut iha Indosiar.
Tuir Ministru Edukasaun Antonio da
Conceicão katak, sira sei buka tempu atu nunee estudante seidauk tuir
ezame tuir fali, maibe materia sei lahanesan, sei diferensa atu nunee
bele hatuur justisa hanesan, neebe sei halon ekipa ida tuur hamutuk hodi
susun fali materia ezame seluk para fo ba estudante sira neebe seidauk tuir.
Hanesan agora nee ema hotu hatene estudante finalista sira balu seidauk tuir ezame nasional, tanba balu ba tuir atividade desportu balu moras, balu mos isin rua, I balu mos hetan dezastre, liu-liu ba balu neebe mak ba tuir hela kontestasaun kanta dangdut iha indonzia neeba, maibe ezame nee komfprme sei lahalo iha Dezembru laran lae ba iha Janeiru,” katak Antonio ba STL Kinta (17/11/2016) iha nia knar fatin ME Vila-Verde.
Ministru Antonio sei hare fila fali ba
estudante sira neebe mak valor kiik, atu halo sira lapasa, politika ida
oinsa atu buka meius estudante sira nee, passa, neebe laos deit haree ba
sira nia valor ezame, maibe haree mos sira nia dezenvolvimentu no
susesu neebe mak durante nee sira halo iha eskola.
Iha parte seluk Diretor Eskola Sao Pedro
Padre Aderito Vitor da Costa hatete, sira nia estudante nain 2 mak ba
tuir kompetisaun kanta dangdut iha Indonezia, neebe estudante Dora fila
tiha ona, hela Maria Vitoria mak iha neeba. Informasaun kompletu iha STL
Jornal no STL Web, edisaun Sesta (18/11/2016). Guilhermina Franco/ Jacinta Siqueira