DILI – Atu hadia
kualidade ensinu superior iha Timor Leste, Primeiru Ministru Rui Maria
de Araujo hasoru malu ho Ministru Edukasaun (ME) nomos reitor hotu husi
universidade 11 iha Timor-Leste, hodi rona diretamente dazafiu neebe mak
universidade sira hasoru.
Primeiru Ministru Rui Maria de Araujo
hatete, enkontru nee entre ME ho reitores hotu husi universidade iha
Timor-Leste, tamba iha Timor iha universidade lubuk ida, publiku iha ida
ho tan eskola poleteknik ida mak governu foin hamosu hanesan iha
Betanu, universidade privadu iha 10 neebe hetan akreditasaun.
Prespektiva governu nian presiza halo enkontru regulares para atu haree dezenvolvimentu ensinu superior iha Timor-Leste lao oinsa, dezafiu saida mak sira hasoru tantu publiku ka privadu. Neebe enontru ohin nee hanesan enkontru inisial ida governu rezista preokupasaun lubuk boot ida, maibe iha kestaun rua mak hau bele fo sai, neebe ami konkorda katak presiza iha forum ida para reitor ho ministeriu edukasaun hasoru malu regularmente,” katak PM Rui ba Jornalista hafoin remata enkontru ho reitor universidade sira hotu, Iha salaun ME Vila-Verde.
Nia hatete, forun nee proposta mai husi
reitor UNPAZ, neebe forum nee atu bolu naran komferensia dos reitores da
universidades Timor-Leste, atu nunee bele hasoru malu regularmente kada
fulan nen.
Iha fatin hanesan, Ministru Edukasaun
Antonio da Conceição hatete, loron ohin nee hanesan oportunidade neebe
mak diak hasoru malu ho reitor sira hotu, iha instituisaun ensinu
superior hotu iha Timor. Informasaun kompletu iha STL Jornal no STL Web,
edisaun Sesta (18/11/2016). Guilhermina Franco/ Jacinta Siqueira