OJE 2017 Redus Iha Parte Infraestrutura

DILI- Orsamentu Jeral Estadu 2017 sei redus iha parte fundu Infraestrutura, tanba atu dezenvolve seitor porduktiva hanesan Agrikultor.

Prezidente Parlamentu Nasional Aderito Hugo da Costa hateten, Politika orsamentu ba 2017  redus oituan iha fundu infraestrutura nian, tanba hateke liu ba seitor sira produktivu hanesan Argrikultura  para atu dezenvolve.

Politika orsamentu ba 2017 ita redus oituan iha fundu infraestrutura nian, hateke liu ba seitor sira produktivu hanesan Argrikultura  para atu dezenvolve, maibe ba fundu infraestrutura nian komesa redus ona, tanba maioria projetu neebe gasta husi fundu infraestrutura ninian komesa iha fase implementasaun ona,” dehan PR PN Aderito iha salaun CNE, Dili, Segunda (21/11/2016).

Eis Vise Prezidente Parlamentu Nasional nee haktuir tan katak, Estrada, ponte, Portu Tibar iha ona progresu, falta deit maka projetu sira seluk. Tanba estrada neebe maior nee komesa iha fase implementasaun hotu ona, entaun fundu infraestrutura nee komesa redus,  prozesaun nee halo kedan tinan 5 nee liu ba katak, iha anu 2017 ba leten nee fundu infraestrutura nee komesa redus ona tanba infraestrutura baziku sira  rezolve ona.

Iha fatin hanesan membru PN husi bankada PD Adriano do Nascimento hateten, nafatin  orsamentu nee latau iha prioridade neebe deside tiha ona, liu-liu seitor produktivu, koalia konaba seitor produktivu nee maka seitor Agrikultura, Turismu, Saude, Edukasaun no Saude, Be Mos no Saniamentu, Komersiu no Industria. Informasaun kompletu iha STL Jornal no STL Web, edisaun Tersa (22/11/2016). Carme Ximenes