Lei Ba Ema Hotu, Loas Ba Ema Kiik Deit

DILI – Maioria povu kontinua halerik ba justisa iha Timor Leste, tamba durante nee diskonfia justisa iha Timor Leste nakonu ho diskriminasaun, relasiona ho desizaun tribunal ba iha eis membru governu neebe mak komete halo hahalok koruptu.

Tuir observador Fransisco Mausoro katak kuandu ema ida viola ona lei nia tenke tuir prosesu ka desijaun neebe mak mai husi tribunal no hau hare mak Ministeriu Publiku no tribunal aplika ka lae, no labele ba ema kiik deit no kaundu ema kiik mak viola no kaer kedas tuir prosedimentu legal hodi hatan ba iha tribunal.

Maibe, hau nia preokupasaun mak lei nee aplika ba hotu hanesan ka lae ka ida ka rua deit liliu povu kiik no kiak,” dehan Fransisco ba STL, iha Edifisiu UNDIL, Mascarinhas, Segunda (21/11/2016).

Nia hatutan, povu Timor Leste tau konfiansa ba iha autoridade justisa nian tamba bele fo justisa ba ema. Maibe, hare katak Emilia Pires halimar ho estadu liliu ba iha tribunal tamba nee bele dehan katak bele halimar mos lei Timor Leste nian ida nee.  Tamba nee, bele fo impresaun ba publiku katak lei nee vale deit ba povu kiik no kiak deit maibe ba ema boot lei saida mak lei.

Iha fatin ketak, tuir Deputadu Jorge Teme katak koalia kona ba lei iha ema ida mak lei nia leten maibe ema hotu hotu iha lei nia okos inklui mos arguida Emilia Pires. Informasaun kompletu iha STL Jornal no STL Web, edisaun Tersa (22/11/2016). Domingos Piedade Freitas