DILI- Prezidente Republika Taur Matan Ruak hanaruk Mandatu Xefia Militar husi fulan Outubru 2016 too Outubru 2017, tuir Proposta governu nian bazea artigu 195 husi estatutu Militar forsa armada nian.
Tuir Komonikadu Inprensa neebe STL Asesu liu husi Media Palasiu Prezidensial Segunda (21/11/2016) katak Prezidente Republika Taur Matan Ruak hanaruk Lideransa Militar naian hanesan Major Jeneral Lere Anan Timur nudar Xefi Estadu Maior Jeneral Forsa Armada. Brigadeiro Jeneral Filomeno Paixao Nudar Vice Xefi Estadu Maior Jeneral, Koronel Falur Rate Laek nudar Xefi Estadu Maior Forsa Armada.
Nemoasaun neebe mak iha tama envigor iha loron 6 Outubru 2016 no data hakotu xefia sira nia mandate ikus liu no ekstende sira nia mandatu husi Outubru 2016 too Outrubru 2017.
Iha tempu hanesan Sexi estadu mos halo Nomesaun Tenente Koronel Marcelino Ximenes ba Komandante Terrestre, Kapitaun Fragata Adao de Brito ba komandante Komponente Forsa Naval Lijeira. Tenente Koronel Celestino Pinto ba Komandante Komponente formasaun no treinu, Tanente Koronel Bendito Dias Quintas ba komandante komponente Apoiu Servisu.
Iha komonikadu nee Prezidente Republika Taur matan Ruak senti kontente hodi hare xefia aas liu iha F-FDTL nian bazea ba legalidade neebe sempre luta hafoin atera tiha Estatutu Forsa Armada hanesan Dekretu lei Numeru 7/2014 husi 12 Marsu no dekretu lei Numeru 28/2016. Informasaun kompletu iha STL Jornal no STL Web, edisaun Tersa (22/11/2016). Timotio Gusmao