Taur konsidera Edukasaun-Saude Sai Problema boot ba Estadu

PURUGUA – Problema edukasaun no Saude neebe oras nee povu prekupa iha fatin balun sai hanesan preokupasaun no problema boot ba estadu, neebe buka dalan atu rezolve.

Prezidente Republika Taur Matan Ruak fo sai deklarasaun nee liu husi Dialogu komonitariu Segunda (21/11/2016) ho povu Suku Purugua, postu Administrativu Cailao, Munisipiu Bobonaro.

Ita nia povu selu professor voluntariu sira akontese iha fatin barak hanesan mos problema saude tan nee problema saude no edukasaun sai nudar problema neebe todan ba estadu,” Dehan Taur.

Nia hatete iha balun povu prekupa Eskola ladiak profesores sira manus tan nee governu sei buka meius hodi rezelve problema edukasaun, Saude, Eletridade no Estrada neebe sai prioridade ba governu atu hadia maibe sei lori tempu neebe naruk.

Liu husi Dialogu Komonitariu sira iha suku Purugua professor eskola Ensinu Baziku Sentral Purugua Abel Martins hatete eskola nee Prekupa liu ba professor tamba estabelese sentru ensinu baziku maibe sei iha falta professor  lingua Ingles tan nee  komonidade sira mak selu.

Nunee mos Jose da Costa nudar Povu Paragua hatete estudante sira neebe mak eskola iha ensinu Baziku sentral mai husi suku 4 neebe dook tan nee husu governu atu hare no loke tan eskola foun ba estudante sira. Informasaun kompletu iha STL Jornal no STL Web, edisaun Tersa (22/11/2016). Timotio Gusmao