DILI –
Timor Leste (TL) adopta merkadu livre, fo dalan ba ema estranjeiru
sira, liu-liu Xina sira nadodon mai TL, hodi halo negosiu oi-oin no
hadau povu nia serbisu no povu sai bainaka ba nia rain rasik.
Lia hirak nee hatoo husi Observador Politika Jelito Gomes ba STL, iha nia knar fatin Becora, Dili, Kuarta (16/11/2016).
Ita adopta merkadu livre, ita rasik sai bainaka ba ita nia rain rasik, tanba ema estranjeiru sira mai nadodon, nakonu no okupa hotu fatin, duni ita rai nain ba hela hotu iha foho lolon, ema estranjeiru sira nee halo negosiu oi-oin hodi hamate povu TL nia ekonomia, e povu kontinua sai kiak no mukit ba bebeik,” dehan Jelito.
Nia hatutan tuir lolos halo lei ida para
bandu ema estranjeiru sira mai iha Timor laos faan sasan, neebe povu
kiik sira nia serbisu, tuir lolos sira mai investe atu kontribui hadia
povu nia moris, laos sira mai hadaun fali povu nia serbisu.
Iha parte seluk Rui de Carvalho nudar
ativista hateten TL livre ona husi kolonial Indonesia, maibe ema seluk
sei ukun nia ekonomia, tanba iha fatin-fatin nakonu ho ema Xina halo
negosiu, Timor oan halo negosiu sura ho lima fuan.
Nunee mos Deputadu CNRT Agustinho Lay
hateten, Estranjeriu liu-liu Xina domina Timor laran, realidade sira
koalia dala barak, maibe governu la halo asaun, la dun kontrola ho
masimu, tanba nee ema domina. Informasaun kompletu iha STL Jornal no STL
Web, edisaun Kinta (17/11/2016). Joao Anibal