DILI – Timor Leste (TL)
agora depedensia liuba reseitas mina, maibe kuandu mina folin tun krize
sei mosu iha pais nee, tanba nee hahu agora governu tenke esforsu hodi
hari koperativa, industria no turismu, atu nune bele fo reseitas.
Lia hirak nee hatoo husi Ekonomista Vasco Cardoso, ba STL iha nia knar fatin, Liseu, Dili, Kuarta (16/11/2016)
Ita Timor hahu ukun aan too mai agora sei depedensia makas ba resitas mai husi fundu minarai, maibe ita seidauk buka rasik osan liu husi koperativa ruma, hodi troka fundu minarai, neduni tuir ami nia istimativa katak la kleur tan krizi sei kona ita, koandu mina folin tun, ita lalika tan hein mina folin, maibe agora mina mos komesa maran dadaun, nee bele fo risku boot ba ita nia ekonomia,” hateten Vasco.
Nia hatutan ukun nian sira goza fundu
mina rai, la hanoin ba futuru nasaun, tanba nee aban bain rua jersaun
foun maka sei terus bebeik, tanba nee hahu agora tenke tau atensaun.
Iha parte seluk Peskizador Lao Hamotuk
Charles Cheiner mos hatutan, Governu TL depende boot ba osan husi fundu
mina rai nian, no hare ba fundu nee rasik hahu mihis dadauk ona, tanba
nee governu tenke buka atu dezenvolve iha setor seluk hanesan Turismu
Agtikultura nomos Industria kiik sira. Informasaun kompletu iha STL
Jornal no STL Web, edisaun Kinta (17/11/2016). Joao Anibal