DILI – Xina mai iha
Timor Leste (TL) aproveita halo negosiu hodi hariku aan, no duni sai
Timor oan husi nia rain rasik, atu nunee Timor oan kontinua kiak no
mukit.
Lia hirak nee hatoo husi Ekonomista Salustiano Xavier, ba STL iha nia knar fatin Metiaut, Dili, Kinta (17/11/2016).
Ita Timor agora seigoza tanba deit reseitas husi minarai, resitas sira nee neneik sei sai hotu ba liur, tanba ema estranjeiru, liu-liu Xina aproveita buka osan iha hodi hariku aan no lori ita nia osan sai hotu ba liur neneik ita nia osan hotu, ema sira nee sei ukun ita, tanba ita nia ekonomia fraku,” hateten Salustiano.
Ekonomista nee haklean tan katak TL la
hatene saida maka merkadu livre, maibe governu obriga aan loke dalan ida
nee, fo oportunidade ba ema seluk mai hadau hotu TL nia rikeza, liu-liu
osan neebe TL hetan husi reseitas minarai.
Iha parte seluk Ativista Julito Cardozo
hateten tuir lolos governu la bele implementa merkadu liver iha nasaun
ida nee, tanba nasaun nee foin hamrik, seidauk hatene halo buat ida
hanoin maka halo.
Nune mos Deputadu CNRT Agustinho Lay
hateten, Estranjeriu liu-liu Xina domina Timor laran, realidade sira
koalia dala barak, maibe governu la halo asaun, la dun kontrola ho
masimu, tanba nee ema domina. Informasaun kompletu iha STL Jornal no STL
Web, edisaun Sesta (18/11/2016). Joao Anibal