DILI- Governu presiza
kria kondisaun no fo kapasitasaun ba feto sira neebe mak oras nee halao
negosiu kiik iha fatin-fain, atu nunee feto sira bele iha konesementu no
iha fatin seguru halao negosiu, hodi dezenvolve ekonomia iha
Timor-Leste.
Tuir Reprezentante feto Kintal Boot ou
hanesan mos Negosiantes Maria Fatima katak, sira feto negosiu kiik
presiza hetan apoiu husi governu liu-liu ba parte kapasitasaun nomos
fatin, tanba sira halao binsis kiik hanesan faan modo, faan sasan makanan ringan, atu dezenvolve sira nia ekonomia familia.
Ami feto sira neebe mak faan ou halo negosiu kiik oan sira nee ami presiza tebes apoiu husi governu atu bele haree fatin seguru no mos apoiu kapasitasaun mai ami, oinsa mak atu hatene binis diak liu tan,” katak Fatima ba Jornalista Kinta (17/11/2016) iha Audian.
Nia hatete, tuir lolos, governu labele haruka ekipa sira ba duni sira bainhira faan iha dalan ninin, governu tenke iha rasa kasian
ba sira, tanba sira feto-feto mak faan sasan iha dalan ninin, mak ekipa
guarda munisipiu Dili ba duni tan sira, sira atu halo sa los.
Nunee mos Bia Ble Hitu Carvalho de Jesus
Hanesan Vice Dekana Asuntus Administrasaun E Finansas UNTL hatete, haree
ba feto sira neebe mak halao bisnis iha merkadu, maibe ladun iha
konesemntu ba bisnis, tanba nee nia sujere para oinsa governu atu haree
tau matan hodi fo kapasitasaun ba sira hodi halao bisnis diak liu tan.
Informasaun kompletu iha STL Jornal no STL Web, edisaun Sesta
(18/11/2016). Guilhermina Franco/ Jacinta Siqueira