DILI – Rekursu arguidu Calisto
Gonzaga neebe hatama husi nia defesa, sei iha prosesu nia laran. Rekursu
nee rasik agora atu besik tama ba tinan ida ona.
Tuir informasaun husi Defensor Publiku
Sergio Quintas neebe fo assistensia ba arguidu Calisto hatete, rekursu
nia kliente nian neebe mak nia hatama ba iha tribunal rekursu oras nee
sei iha hela prosesu nia laran. Maibe tuir informasaun neebe mak nia
rona katak desizaun besik ona.
Informasaun neebe mak hau rona dehan desizaun nee besik atu tun ona, neebe ita hein deit,” dehan nia ba STL iha TDD, Mandarin, Kuarta (28/09/2016).
Arguidu Calisto Gonzaga simu pena prizaun
tinan 8 fulan 6 iha loron (25/09/2015) husi TDD baseia ba provas neebe
iha julgamentu nia laran. Faktus provadu hotu katak arguidu Calisto
Gonzaga nudar Komandante SIK iha 2010 too 2014.
Iha loron 20 no 21 Outobru 2012 halo
kapturasaun ba ema estrangeiru nain lima neebe lori droga tama mai Timor
hodi lori detein ba iha Otel Sentral durante 72 oras la lori ba
aprejenta iha Ministeriu Publiku. No arguidu rasik ho nia agente
Faustinu mak lori ema nain lima nee ba entrega iha Badan Narkotika
Nasional (BNN) Jakarta Indonesia. Informasaun kompletu iha STL Jornal no
STL Web, edisaun Kinta (29/9/2016). Domingas Gomes