DILI – Relasiona ho dadus 3% neebe
mak Komisaun Funsaun Publiku (KFP) publika katak Funsionariu Publiku
(FP) uza sasan estadu ba interese individu no partidariu. Tan nee,
Prezidente Komisaun G trata asuntu etika husu ba KFP tenke halo
edukasaun sivika ba FP.
Tuir Prezidente Komisaun G neebe trata
asuntu etika Deputadu, Agostinho Lay katak, lei KFP hatete funsionariu
publiku labele uza kareta estadu ba nia interese privadu no interese
partidariu, tanba kareta nee estadu nian objetivu uza ba interese povu
nian.
Numeru funsionariu uza fasilidade estadu nian ba interese no partidariu nee hetan 3% nee numeru kiik, maibe prontu ita hadia, laos dala ida deit maibe ita koko neik-neik, importante liu fo kapasitasaun, fo treinamentu no edukasaun sivika ba funsionariu sira hodi bele hatene lalaok no lei sira nee,” dehan Agostinho ba STL iha PN-Dili, Kuarta (28/09/2016).
Agostinho haktuir, Komisaun Funsaun
Publika mak tenke sosializa lei nee ba funsionariu publiku sira hodi sir
abele hatene oinsa mak atu uza fasilidade sira hanesan kareta, moto,
komputador, lebtop nee rai iha kantor utiliza laos fasilidade iha lori
fali ba uma.
Iha fatin seluk, Observador Politika,
Hugo Lorenço dehan, tuir sira nia haree ba FP sira nia servisu durante
nee sira uza sasilidade estadu for a husi servisu balun uza ba fali
merkadu tuir lolos KFP tenke tau atensaun ba asuntu nee. Informasaun
kompletu iha STL Jornal no STL Web, edisaun Kinta (29/9/2016). Raimundo S. Fraga