DILI– Dezenvolve
ekonomia familiar, laos deit mane mesak mak responsabilidade, maibe feto
nia kontribuisaun ekonomia familia sei dezenvolve ho susesu.
Kestaun nee hatoo husi Reprezentante Feto
ou Hanesan Mos Negosiantes Jenoveva Fernandes de Jesus hatete, hakbiit
ekonomia iha Timor-Leste feto sira tenke forte, tanba papel feto
importante atu hadia ekonomia uma laran, bainhira iha mane deit seidauk
bele lao diak, maibe presiza feto sira nia partisipasaun, tanba nee feto
sira mo a agora nee esforsu aan makas hodi buka osan.
Hau hanoin haree ba atu dezenvolve ekonomia familia nee ami feto sira ladepende deit ba mane sira ami mos bele halo bisnis, maibe ami mos presiza hetan formasaun ruma husi governu atu bele fo apoiu ba ami, liu husi orsamentu ou liu mos husi kapasitasaun ruma,” katak Jenoveva ba Jornalista Kuarta (30/11/2016) iha villa-verde.
Nia hatete, haree mos ba realidade
situasaun iha Timor nian nee, povu kiik sira halao moris liu hotu husi
bisnis, maibe ema estranjeirus sira barak mos tama mai halao bisnis
kiik hanesan hotu sira tanba nee mak halo sira dala ruma ladun hetan
rendimentu.
Hatan ba kestaun nee, Diretor Nasional
Kooperativas E Micro Pequenas Empresas (MCIA) Francisco Xavier hatete,
MCIA haree se mak iha planu diak no hanoin diak apoiu kona ba finanseiru
no mos kapasitaaaun ba sira, atu oinsa mak sira bele hatene halao
bisnis. Informasaun kompletu iha STL Jornal no STL Web, edisaun Kinta
(1/12/2016). Guilhermina Franco/Jacinta Sequeira