DILI – Instituto
Nasional Administrasaun Publika (INAP) nudar instituisaun estadu hodi
tau matan ba funsionariu sira, fo formasaun ba funsionariu iha teritoriu
Timor laran tomak.
Tuir Diretor Jeral INAP, Agostinho
Letencio de Deus hatete katak, agora INAP estabelese hela guai reforma
ba funsionariu publiku, neebe mak halao servisu iha instituisaun estadu.
Objetivu husi estabelesimentu guia reforma ba funsionariu publiku nee atu haree nia sustentabilidade servisu Funsionariu Publiku iha Timoir Leste,” dehan Diretor Jeral INAP, Agostinho ba STL iha nia knar fatin Comoro-Dili, Kuarta (30/11/2016).
Agostinho haktuir tanba nee mak INAP hahu
halo planu estratejia hodi fo formasaun liu husi guia nee atu bele
kualifika funsionariu sira liu husi formasaun. Koalia konaba kategoria
formasaun neebe INAP halo determina ba nivel tolu, nivel obrigatoriu mak
formasaun indusaun no formasaun lideransa, formasaun lideransa nee ita
determina nivel haat mak formasaun baziku, formasaun mediu, formasaun
senior no formasaun ezekutivu.
Iha fatin ketak, Observador Politika
Francisco Mausoro dehan, kada tinan Parlamentu Nasional (PN) sempre
aprova orsamentu hodi aloka ba instituisaun estadu, neebe mak iha item
ketak hodi fo kapasitasaun ba rekursu umanu. Informasaun kompletu iha
STL Jornal no STL Web, edisaun Kinta (1/12/2016). Raimundo S. Fraga